हेटौंडा-१९ मा दुई युवा समूहबिच कुटाकुट,दुई घाइते

२५ पुस, हेटौंडा । आइतबार राती हेटौंडा-१९ मा दुई समूहका युवाबिच कुटाकुट हुदाँ दुईजना घाइते भएका छन्। हेटौडा-१९ मचुनडाँडा स्थित निर्माणाधिन दाना फ्याक्ट्रीमा काम गर्ने मजदुरहरु र  स्थानीयबिच कुटाकुट हुँदा स्थानीय दुई युवा घाइते भएका छन्।

दुवैसमूह संगै बसेर मदिरा पिएको र सामान्यले विवादमा उक्त उद्योगमा काम गर्ने मजदुरहरूको एक समूहले स्थानीयलाई कुटपिट गरेको मकवानपुर प्रहरीले जनाएको छ। कुटपिटबाट स्थानीय हेटौडा-१९ मचुनडाँडा बस्ने बर्ष अन्दाजी १९ बर्षीय दिनेश देबकोटा र सोही स्थान बस्ने अन्दाजी २३ बर्षीय सुजन मोक्तान घाइते भएको जनाइएको छ।

त्यसैगरी कुटपिटमा संलग्न भिमफेदी - ८ बस्ने २३ बर्षीय कृष्ण तामाङ, भिमफेदी - ३ बस्ने अन्दाजी २० बर्षीय  एकलाल बजु, सोही वडा बस्ने अन्दाजी २२ बर्षीय महेन्द्र घलान ,अन्दाजी २० बर्षीय सुदिप बजु, भिमफेदी- २ भैसे बस्ने बर्ष अन्दाजी २२ बर्षीय पृथ्वी केपछाकी मगर, अन्दाजी २७ बर्षीय सुजन केपछाकी मगर र भिमफेदी- १ बस्ने अन्दाजी १८ बर्षीय बिबेक पाख्रिन रहेको मकवानपुर प्रहरीले जनाएको छ।

घाइतेहरूको हेटौडा अस्पतालमा उपचार भइरहेको छ भने कुटपिटमा संलग्न ७ जनालाई पक्राउ गरेर जिल्ला प्रहरी कार्यालयमा राखिएको  जनाइएको छ।