विकासको शुरुवात हुमानेभञ्ज्याङ्बाटः डिना

३ मंसिर,हेटौँडा । नेपाली काँग्रेसका केन्द्रीय सदस्य एवम् प्रतिनिधिसभा क्षेत्र नम्वर २ का उम्मेदवार महालक्ष्मी उपाध्याय डिनाले काठमाडौँ र हेटौंडाको ट्रान्जिट प्वाइन्टको रुपमा रहेको हुमानेभञ्ज्याङ्बाट मकवानपुर जिल्लाको विकासको शुभारम्भ गरीने बताएकि छिन  ।

आइतबार लोकतान्त्रिक गठबन्धनको निर्वाचन अभियान अन्तर्गत इन्द्रसरोवर गाउपालिका– ४ स्थित हुमानेभञ्ज्याङ् मा आयोजित कोणसभामा बोल्दै डिनाले काठमाडौँ र मकवानपुरको सिमा  हुमानेभञ्ज्याङ् भएकोले काठमाडौँ जिल्लामा विकास भएजस्तै गरी मकवानपुरमा  पनि विकासको लहर भित्र्याउने लक्ष्य रहेको बताइन् । आन्तरिक तथा बाह्य  क्षेत्रका पर्यटकहरु आवात जावत गर्ने मुख्य बाटो हुमानेभञ्ज्याङ् फाखेल, कुलेखानी रहेकोले यस क्षेत्रको विकास छिट्ट हुनुपर्ने र गर्ने डिनाले दाबी गरीन् । 
त्यसैगरी मकवानपुर क्षेत्र नम्वर २ क का प्रदेश  सदस्य उम्मेदवार यतिराज सापकोटाले विकासको कार्यको निम्ति लोकतन्त्र गठबन्धनलाई मतदानगरी  विजयी गराउन मतदातालाई आग्रह गरेका थिए । नेपाली काँग्रेस फाखेल इकाइ सभापति हरि लामाको अध्यक्षतामा भएको कार्यक्रममा लोकतान्त्रिक गठबन्धनले इन्द्रसरोवर गाउँपालिका विश्व लामाको नेतृत्वमा फाखेलबजार, चखेल, कुलेखानी खानीखेत, मधुवन, मकैबारीमा कोणसभा तथा घरदैलो कार्यक्रम सम्पन्न गरेको छ ।