बकैयाको तिनभंगालेमा लोकतान्त्रिक गठबन्धनको कार्यक्रम 

 ३ मंसिर,हेटौँडा । आसन्न निर्वाचनको चुनावी अभियान अन्तर्गत लोकतान्त्रिक गठबन्धनको मकवानपुरको प्रतिनिधिसभा क्षेत्र नम्बर १ को बकैया गाउँपालिका २ को धियालक्षेत्रमा घरदैलो र कोणसभा सम्पन्न भएको छ ।
धियालको तिनभंगालेमा आज आयोजित कोणसभामा लोकतान्त्रिक गठबन्धनकोतर्फबाट नेपाली काँग्रेसका प्रदेशसभा सदस्य १ क का उम्मेदवार धर्मराज लामिछानेले सडकलगायतका भौतिक पूर्वाधार निर्माण नभएका स्थानमा विकास योजनाहरु ल्याउन लाग्ने बताउनुभयो ।ज्ञानबहादुर थिङको अध्यक्षतामा भएको कार्यक्रममा राप्रपाका केन्द्रीय सदस्य नवराज विष्ट, बकैया गाउँपालिकाका अध्यक्ष दामोदर खनाल, नेपाली काँग्रेसका नेता दामोदर सुवेदी, इन्द्रबहादुर जिम्बा, लक्ष्मी जिम्बालगायतले बोल्नु भएको थियो ।

यसैबीच बागमती गाउँपालिका ५ मा पंकजबहादुर ग्यालनको संयोजकत्वमा १०१ सदस्यीय निर्वाचन परिचालन समिति गठन भएको छ । भेला तिलक माझीको अध्यक्षतामा भएको थियो । 

त्यसैगरी लोकतान्त्रिक गठ्वन्धनको  हेटोँडा ९   नम्बर वडा समितिले  पुर्ब प्रधानमन्त्री एवम माओबादी केन्द्र का अध्यक्ष  पुष्पकमल दाहाल का पुत्र माओवादी केन्द्रका केन्द्रिय सदस्य स्व. प्रकाश दहालको असामहिक निधन प्रती गहिरो दुख ब्याक्त गर्दै  ३ गतेका चुनाव प्रचार प्रसार सम्बन्धी सम्पुर्ण कार्यक्रमहरु स्थगित गरेको छ ।