बस्तीपुर जेसीज हाँडीखोलाले जेसीज सप्ताह गर्ने

कार्यक्रमको बारेमा जानकारी गराउदै बस्तीपुर जेसीजका अध्यक्ष पुष्कल न्यौपाने । तस्विरःसुनिल

४ मंसिर, हेटौँडा । बस्तीपुर जेसीज हाँडीखोलाको बर्ष  २०१७ को जेसीज सप्ताह कार्यक्रम यही मंसिर ६ गतेबाट सरु हुने भएको छ ।  सोमबार हेटौंडामा पत्रकार भेटघाटको  आयोजना गर्दै  जेसीज सप्ताहको  कार्यक्रमको  बारेमा  जानकारी गराईएको हो । 
आयोजकले यही मंसिर ६ गते बिहान बाट हेटौंडा–१९ बस्तीपुरमा रहेको सर्वेश्वर मन्दिर तथा बृद्धाश्रममा सहयोग गरेर जेसीज सप्ताहको कार्यक्रम सुरु गरिने बस्तीपुर जेसीजका अध्यक्ष पुष्कल न्यौपानेले बताए । 
त्यसैगरी नै ६ गते  दिउँसो बाल उज्वल मावि हेटौंडा–३ लेवटमा अन्तर मावि हाजिरीजवाफ प्रतियोगिता , ७ गते बिहान बस्तीपुर जेसीज र मकवानपुर उद्योग वाणिज्य संघको बीचमा मैत्रीपूर्ण फुटसल प्रतियोगिता र ७ गते दिउँसो मनहरी गाउँपालिका–४ हाँडीखोला मसिनेमा रहेको पशुपतिनाथ माविमा रक्तदान कार्यक्रम आयोजना गरिने  अध्यक्ष  न्यौपानेले बताए ।

त्यसैगरी ८ गते बिहान हेटौंडा–१९ बस्तीपुरमा स्वागत ब्यानर निर्माण गरिने र दिउँसो मकवानपुरको क्षेत्र नम्बर २ का प्रतिनिधीसभा तथा प्रदेशसभा सदस्यका उम्मेदवारको बीचमा ककस कार्यक्रम को आयोजना गरीने  र ९ गते बस्तीपुर जेसीजको सचिवालयमा  सप्ताह व्यापि कार्यक्रमको  समापन तथा पुरस्कार वितरण कार्यक्रम हुने आयोजकले जनाएको छ ।  । पत्रकार भेटघाटमा बस्तीपुर जेसीजका पूर्व अध्यक्षद्वय बसन्तकुमार सिटौला र प्रेमप्रसाद बोलखे, हेटौंडा जेसीजका अध्यक्ष अरुणकुमार दाहाल, मूल कार्यक्रम संयोजक कार्यकारिणी उपाध्यक्ष जयराम सुवेदी , सहमूल कार्यक्रम संयोजकमा विदुर थापा  लगायतको उपस्थिति रहेको थियो  ।