बकैयामा २३१ जनाले निशुल्क आँखा जाँच गराए

७ माघ, हेटौंडा । सामुदायिक आँखा अस्पताल हेटौंडाको आयोजनामा शुक्रबार बकैया गाउँपालिका ५ स्थित राजदमार आधारभुत स्वास्थ्य सेवाकेन्द्रमा निशुल्क आँखा शिविर सम्पन्न भएको छ । शिविरमा दुर्ईसय ३१ जनाले निशुल्क आँखा जाँच गराएका छन् ।
स्व.आशिष राजभण्डारीको स्मृतिमा भएको उक्त शिविरमा आँखा जाँच गराउँनेमध्ये २६ जनामा मोतियाबिन्दुको समस्या भेटिएको बकैया ५ का वडा सचिव देवराज लामिछानेले जानकारी दिए । उनीहरुको साममुदायिक आँखा अस्पतालमा निशुल्क उपचार हुने लामिछनेले बताए । यस्तै दुई सय ५ जनामा आँखाको सामान्य समस्य पाइएको थियो ।
५ नं वडाका वडा अध्यक्ष लक्ष्मी जिम्बाको सभाध्यक्षतामा भएको कार्यक्रममा बकैया गाउँपालिकाका अध्यक्ष धर्मराज लामिछाने, गाउँपालिकाका निमित्त प्रमुख प्रशासकीय अधिकृत मिलन दुलाल, स्व. विशाल राजभण्डारीका बुबाआमा माधव राजभण्डारी र राधिका राजभण्डारी, ४ नम्बर वडा अध्यक्ष राजन दंगाल, तिलगंगा आँखा अस्पतालका संचालक समिति सदस्य सिद्धीलाल श्रेष्ठ, आँखा अस्पतालका वरिष्ठ नेत्र सहायक द्वय कृष्ण कुसवाह र सबिता क्षेत्री टेक्निकल टिमका अचला शर्मा, श्री दिनेश रुम्बा लगाएतको उपस्थिति रहेको थियो ।