हेटौंडा क्याम्पस पूर्व विद्यार्थीको अध्यक्षमा अशोक सारु

१२ माघ, हेटौंडा । हेटौंडा उपमहानगरपालिका वडा नम्बर ४ मा रहेको हेटौंडा क्याम्पसको पुर्व विद्यार्थी समाजको दोश्रो अधिवेशनले अशोक सारु मगरको अध्यक्षतामा ७ सदस्यीय नयाँ कार्यसमिति सर्वसहमत चयन गरेको छ । 
समितिको उपाध्यक्षमा रमा चौलागाई, महासचिवमा डी.बी. बर्तौला, कोषाध्यक्षमा सन्तोषी बर्तौला र सदस्यहरुमा सुलभ अधिकारी, रिपेश दाहाल र प्रकाश अधिकारी चयन भएका छन् ।
जिल्ला समन्वय समिति मकवानपुरका प्रमुख ललित घलानको प्रमुख आतिथ्य तथा हेटौंडा क्याम्पस पुर्व विद्यार्थी समाजका अध्यक्ष बालकृष्ण चौलागाईको सभाध्यक्षतामा कार्यक्रम भएको थियो । 
कार्यक्रममा हेटौंडा क्याम्पस संचालक समितिका अध्यक्ष आनन्दराम पराजुली, क्याम्पस प्रमुख डा. देवचन्द्र मानन्धर, सहायक क्याम्पस प्रमुख देवीराम लामा, रामबहादुर भण्डारी, सञ्जय बस्नेत लगायतको आतिथ्यता रहेको थियो ।
निर्वतमान अध्यक्ष स्वतः पदेन रुपमा दोश्रो वरियतामा रहने भएकोले थप ३ जना सदस्य पछि मनोनित गरिने नव निर्वाचित अध्यक्ष अशोक सारु मगरले बताए ।
२०७६ सालमा तदर्थ समितिको रुपमा गठन पश्चात् हेटौडा क्याम्पस पुर्व विद्यार्थी समाजले क्याम्पसको विकास र शैक्षिक गतिविधिमा सहयोग पु¥याउँदै रचनात्मक र श्रृजनात्मक कार्यक्रम गर्दै आएको थियो ।