विकासको ठोस योजना आफुसंग : बानियाँ

६ मंसिर, हेटौँडा । लोकतान्त्रिक गठबन्धनको तर्फबाट प्रतिनिधिसभा क्षेत्र नम्बर २ प्रदेश २ का उम्मेदवार ईन्द्रबहादुर बानियाँले पश्चिमी मकवानपुरको विकासका लागि आफुले ठोस योजना अघि सारेको दावि गरेका छन् । 
विगतमा जितेका नेताले गाउँलाई पछि पारेको उनको भनाई थियो । नेपाली कांग्रेस मकवानपुरका सभापति समेत रहेका बानियाँले आफु ग्रामिण भेगको विकास र स्थानीयको समृद्धिमा विश्वास गर्ने भन्दै आफु निर्वाचनमा गरेको प्रतिवद्धता अनुसार योजनासहित अघि बढ्ने बताए ।
मनहरीमा भएको प्रशिक्षण कार्यक्रममा उनले विकासमा पछि परेको यस क्षेत्रमा नदि प्रणालीको समुचित व्यवस्थापन र उपयोग, सडक सञ्जालको विस्तार गर्नु आवश्यक रहेको बताए । बस्तिपुर र सरिखेतमा प्राविधिक शिक्षालय, रमौली प्रतापपुरलाई व्यवस्थित विकास, रजैया–लामिटार–हाँडिखोला–पदमपोखरी हुँदै हेटौँडा जोड्ने सडक विस्तार, नामटार कालिकाटार खैराङ सडक विस्तार लगायतका काम गर्न सके यस क्षेत्रको विकासले गति लिने समेत बानियाँको दावि छ । यस क्षेत्रका पर्यटीकय क्षेत्रमा पूर्वाधार विकास गरी पर्यटक भित्र्याउन पहल गर्ने समेत उनको भनाई छ ।
पूर्व गृहराज्यमन्त्री समेत रहेका बानियाँले जस्तो सुकै चुनौति मोलेर भएपनि निर्वाचनलाई सफलतापूर्वक सम्पन्न गर्नु अहिलेको आवश्यकता रहेको भन्दै सबैको सहयोग खाँचो रहेको बताए ।