रेडियो मकवानपुरको सप्ताहव्यापी कार्यक्रम आजबाट

१६ माघ, हेटौंडा । हेटौंडाकै पहिलो सामुदायिक रेडियो, रेडियो मकवानपुर १०१ दशमलव ३ मेगाहर्जको १३ औं बार्षिकोत्सवमा विविध सप्ताहव्यापी कार्यक्रम आजबाट सुरु हुँदै छ ।
आजबाट बाट १३ औं बर्षमा प्रवेश गरेको रेडियोले २२ गतेसम्म विभिन्न कार्यक्रमको आयोजना गर्दै बार्सिकोत्सव कार्यक्रम गर्न लागेको हो रेडियो मकवानपुर सञ्चालक समिति अध्यक्ष आनन्दराम पराजुलीले जानकारी दिए ।
सप्ताहाव्यापी कार्यक्रम अन्तर्गत आज आइतबार रेडियोमै सहिद दिवसको सन्दर्भमा रचना वाचन तथा अन्तरक्रिया हुने रेडियोका प्रवन्ध निर्देशक आशिष दुलालले जानकारी दिए । यस्तै १७ गते श्रीमद् भागवत ज्ञान सञ्चार बृद्धाश्रम हेटौंडा १७ मा खाद्यान्न सहयोग, १८ गते रेडियोकै प्राङ्गणमा रक्तदान, १९ गते बालअधिकार विषयक विद्यालयस्तरीय कविता गरिने निर्देशक दुलालले बताए ।
यस्तै सप्ताहाव्यापी कार्यक्रम अन्तगृत २० र २१ गते रेडियो मकवानपुर कप फुट्सल प्रतियोगिता, २१ गते शनिबार मनहरी गाउँपालिका ४ मा बृहत निशुल्क स्वास्थ्य शिविर र २२ गते बार्षिकोत्सव समापन, दुईजनालाई सामुदायिक सम्मान र पुरस्कार वितरण कार्यक्रम हुनेछ । 
कविता प्रतियोगिताको विजेता विद्यार्थीले क्रमश ः नगद १० हजार, ७ हजार र ५ हजार सहित प्रमाणपत्र प्राप्त गर्नेछन् । यस्तै रेडियो मकवानपुर कप फुट्सलको विजेता र उपविजेतालाई नगदसहित पुरस्कारको व्यवस्था रहेको रेडियो मकवानपुरका स्टेशन म्यानेजर गणेश दर्पण अधिकारीले जानकारी दिए ।
यसैगरी रेडियोले बार्षिकोत्सवको अवसरमा दुईजनालाई जनही नगद १० हजार सहित सामुदायिक सम्मान र तीजको सन्दर्भमा दुई महिलालाई जनही नगद १० हजार रुपैयाँसहित जागरुक महिला सम्मान प्रदान गर्दै आएको छ । दिव्यतारा बहुउद्देश्यीय सहकारी संस्था लिमिटेडद्वारा सञ्चालित रेडियो मकवानपुरको बार्षिकोत्सव समापन सहकारीको स्थापनाको दिन हुने पनि अधिकारीले बताए ।