महिला सिप विकास केन्द्र स्थापना गर्नेः डिना

६ मंसिर, हेटौँडा ।  नेपाली काँग्रेसकी केन्द्रीय सदस्य एवं मकवानपुरको प्रतिनिधिसभा क्षेत्र नम्बर २ का उम्मेदवार महालक्ष्मी उपाध्याय डीनाले मकवानपुरमा रहेका हरेक गाउँपालिकामा महिला सिप विकास केन्द्र स्थापना गर्ने बताएकी छिन् ।

बुधबार मकवानपुरको उत्तरी क्षेत्रस्थित बज्रवाराहीमा भएको लोकतान्त्रिक गठबन्धनको अगुवा कार्यकर्ता भेलामा डिनाले महिलालाई जागरुक र सक्रियता गराउने उद्दश्यले गाउँपालिकामा सीप विकास केन्द्र स्थापना गर्नुपर्ने बताएकी छिन् । राजनीतिमा महिला सहभागिता विशेष भूमिका रहन्छ’ डिनाले भनिन  –‘मकवापनुरमा रहेको गाउँपालिकामा सुत्केरी महिलालाई निःशूल्क एम्बुलेन्सको   व्यवस्था गर्ने  छौँ  । प्रजातन्त्र पुनस्थापनापछी मकवानपु्रमा बामपन्थीहरुले निरन्तर जित्नै आएपनि विकास नभएको डिनाले बताइन् । संविधान र लोकतन्त्र जोगाउनको लागि काँग्रेस नेतृत्वको लोकतान्त्रिक गठबन्धनले जित्नु आवश्यक रहेको उनको दाबी छ । 

त्यसैगरी प्रतिनिधिसभा क्षेत्र नम्बर २  ‘क’ का प्रदेश सभा सदस्य उम्मेदवार यतिराज सापकोटाले मकवानपुरको उत्तरी क्षेत्रलाई पर्यटन तथा तरकारी उत्पादन पकेट क्षेत्रको रुपमा विकास गरिने बताए ।  मकवानपुरको उत्तरी क्षेत्र मौसमी तथा बेमौसमी तरकारी उत्पादनको रुपमा विकास गर्ने बताए। राप्रपा मकवानपुरका केन्द्रीय सदस्य दिपक सिंले लोकतन्त्रलाई संस्थागत गर्नका निम्ति भएपनि लोकतन्त्र गठबन्धनले जित्नु अपरिहार्य रहेको बताए।

नेपाली काँग्रेस थाहानगरका सभापति योगेन्द्रमान श्रेष्ठको अध्यक्षताम भएको कार्यक्रममा नेपाली काँग्रेस मकवानपुरका निर्वतमान सभापति तथा  क्षेत्र नम्बर २ निर्वाचन परिचालन समिति संयोजक रघुरमण न्यौपान, प्रदेश सभा २ क का निर्वाचन परिचालक जयराम लामिछाने, नेपाली काँग्रेस हेटौंडा नगर सभापति आनन्दराम पराजुली, प्रतिनिधिसभा समानुपातिक उम्मेदवार पवित्रा विक, नेपाली काँग्रेस मकवापनुर २ नम्वर क्षेत्रीय सभापति इश्वरनाथ पौडेल, जिल्ला सदस्य शम्भुभक्त श्रेष्ठ, राप्रपा थाहानगरका सभापति हरेराम कार्कीको आतिथ्यता रहेको थियो ।