बेरुजु घटाउन कर्मचारीलाइ आर्थिक मन्त्री थपलियाको निर्देशन

१९ माघ, हेटौंडा । बागमती प्रदेशका आर्थिक मामिला तथा योजना मन्त्री जगन्नाथ थपलियाले सरकारी कार्यलयहरुलाई बेरुजु घटाउन निर्देशन दिएका छन् । विभिन्न खर्चपछि बेरुजु धेरै देखिन थालेकोले यसलाई घटाउन विशेष ध्यान दिन उनले निर्देशन दिएका हुन् ।
भौतिक पूर्वाधार बिकास मन्त्रालयको अर्धवार्षिक समिक्षा कार्यक्रमको समापन समारोहमा बोल्दै कार्यक्रमका प्रमुख अतिथि समेत रहेका थपलियाले धेरै बजेट भएको मन्त्रालय भौतिक पूर्वाधार बिकास मन्त्रालय रहेको भन्दै उनले बजेट सहि ठाउँमा कार्यान्वयन गर्ने, बेरुजु नहुने गरी बजेट निकासा गर्ने र त्यसको उपलब्धि पनि अध्ययन हुनुपर्नेमा जोड दिए ।
अर्धबार्षिक समिक्षाको समय भएको अवस्थामा विनियोजित बजेटलाई यथासक्य उपलब्धी हासिल हुने गरी खर्च गर्ने तर्फ ध्यान दिन जरुरी रहेको मन्त्री थपलियाले बताए । प्रदेशको समग्र भौतिक पूर्वधार विकासको लागि मन्त्रालयको कार्यसम्पादन महत्वपुर्ण रहेकोमा जोड दिदैै उनले आयोजना छनोट देखि नै विशेष ध्यान दिन कर्मचारीलाई निर्दशन दिए ।
बागमती प्रदेश सरकारका भौतिक पूर्वाधार मन्त्री माननीय युवराज दुलालको अध्यक्षतामा भएको कार्यक्रममा बागमती प्रदेशका मुख्य सचिव मुकुन्द निरौला, आर्थिक मामिला तथा योजना मन्त्रालयका सचिव, भौतिक पूर्वाधार मन्त्रालयका सचिव, बागमती प्रदेशका यातायात पूर्वधार निर्देशनालयका प्रमुख, लगायतका उपस्थति रहेको थियो ।