मनकामना सामुदायिक वनको अध्यक्षमा शर्कलाल लो निर्वाचित

२० माघ, हेटौंडा । मकवानपुरगढी–४ मा रहेको मनकामना सामुदायिक वन उपभोक्ता समूहको अध्यक्षमा शर्कलाल लो निर्वाचित भएका छन । शुक्रवार भएको निर्वाचनमा लो ले अर्का प्रतिस्पर्धि तारा प्रसाद दोवकोटालाई १३ मतान्तरले पराजित गरेका हुन् । 
लो ले ११० मत पाउँदा उनका निकटतम प्रतिस्पर्धि देवकोटाले ९७ मत पाए । निर्वाचनमा कुल २ सय २३ मतदाता मध्ये २ सय १३ मत खसेको निर्वाचन समितिका संयोजक बलराम अधिकारीले जानकारी दिए । यस्तै समूहको उपाध्यमा बलराम हुमागाई, सचिवमा सुमित्रा पाख्रिन, सहसचिवमा लक्ष्मी तिमल्सिना र कोषाध्यक्षमा शान्ति घलान निर्विरोध निर्वाचित भएका छन । 
यसैगरी सदस्यहरुमा लक्ष्मीमाया भुलुन, धनमाया महर्जन, शान्ति गोले, श्रीकृष्ण तिमल्सिना, पञ्च बहादुर परियार र ज्योति सुवेदी चयन भएका छन । निर्वाचन सम्पन्न गर्न सामुदायिक वन उपभोक्ता महासंघ, मकवानपुरका कोषाध्यक्ष बलराम अधिकारी संयोजक भोजराज चापागाई र बालकृष्ण तिमल्सिना सदस्य रहेको ३ सदस्यीय निर्वाचन समिति गठन गरिएको थियो । 
१ सय १३ हेक्टर क्षेत्रफमा फैलिएको सामुदायिक वनमा ३ सय ७९ घरधुरी आवद्ध रहेको कार्यालय सचिव होम बहादुर मुक्तानले बताए ।