हेटौंडा उपमहानगरको स्थापना दिवस: मैत्रीपुर्ण फुटबल प्रतियोगिता आयोजना

२६ माघ,हेटौंडा । हेटौंडा उपमहानगरपालिकाको ५४ औं स्थापना दिवसको अवसरमा बुधबार  आयोजित मैत्री पुर्ण फुटवल प्रतियोगितामा महिला जनप्रतिनिधी र प्रशासनको टिम बिजयी भएको छ ।

५४ औं स्थापना दिवस अतिरीक्त क्रियाकलाप समितिले हेटौंडा ७ नागश्वती खेल मैदानमा गरेको प्रतियोगितामा जनप्रतिनिधी तर्फ नगरप्रमुख मिनाकुमारी लामाले नेतृत्व गरेको टिम र प्रशासनमा प्रमुख कार्यकारी अधिकृत शिबराज चौलागाइले टिभको नेतृत्व गरेका थिए। लामा नेतृत्व टिमलाई हराउदै चौलागाई नेतृत्व टिम बिजयी भएको हो ।

उपमहानगरका १९ वडामा निर्वाचिन भएका महिला सदस्य सम्मिलत टोलीले उपमहानगरको महिला तथा बालबालिका महाशाखा प्रमुख बिष्णुकुमारी लामिछानेले नेतृत्व गरेको प्रशासन टोलीलाई ३–१ गोल अन्तरले पराजित गरेको हो । खेलको निर्धारीत समय गोल रहित बराबरीमा टुङगिएपछि खेलमा ट्राइबेकर मार्फत निर्णय लिइएको थियो ।

त्यस्तै प्रतियोगिताको दोश्रो पुरुष तर्फको खेलमा उपमहानगरपालिकाका उप प्रमुख राजेश बानियाँले नेतृत्व गरेको जनप्रतिनिधीको टोली प्रशासनसँग ७ –१ गोल अन्तरले पराजित भएको छ । स्थापना दिवसको अवसरमा आयोजित मैत्रीपुर्ण खेलको उद्घाटन हेटौंडा उपमहानगरका प्रमुख मिनाकुमारी लामाले गरेकी थिइन।  

अतिरिक्त समितिका संयोजक तथा हेटौंडा १५ का अध्यक्ष सुनिल मोक्तानको अध्यक्षतामा भएको कार्यक्रममा हेटौंडा उपमहानगरका उप प्रमुख राजेश बानियाँ, प्रमुख प्रशासकिय अधिकृत शिबराज चौलागाई र नगर खेलकुद बिकास समितिका अध्यक्ष चन्द्र शाहिले मन्तव्य व्यक्त गरेका थिए । अतिरिक्त क्रियाकलाप अन्तरगत बिहीवार हेटौंडा –४ हुप्रचौर मैदानमा महिला तथा पुरुष भलिवल प्रतियोगिता हुने छ