रातोमाटेमा अपराध नियन्त्रण सम्वन्धि सचेतनामुलक गोष्ठी सम्पन्न

२६ माघ, हेटौंडा । सव डिभिजन वन कार्यालय, हेटौडाको आयोजनामा रातोमाटेमा एक दिवसीय अपराध नियन्त्रण सम्वन्धि सचेतनामुलक गोष्ठीको आयोजना गरिएको छ । 
कार्यालयको चालु आव. ०७९÷०८० को स्वीकृत वार्षिक कार्यक्रम अनुसार गोष्ठीको आयोजना गरिएको हो । गोष्ठीमा वनमा हुने विभिन्न प्रकारका अपराधहरुलाई नियन्त्रण गर्ने उद्धेश्यका बारेमा सहजीकरण गरिएको थियो । 
सव डिभिजन वन कार्यालय, हेटौडाका प्रमुख रामचन्द्र श्रेष्ठ र फरेष्टर यदु कुमार घिमिरेले सहजीकरण गरेको गोष्ठीमा हेटौडा–१५ का वडा अध्यक्ष सुनिल मुक्तानले सबैको सामुहिक प्रयासबाट मात्रै अपराध नियन्त्रण हुने बताए । 
उनले सबै प्रकारका अपराध न्यूनीकरण गर्न जनप्रतिनिधी, सुरक्षा निकाय, सामुदायिक वन,सञ्चारकर्मी, नागरिक समाजको भूमिका महत्वपूर्ण हुने हुँदा सबैको हातेमाले आवश्यक रहेकोमा जोड दिए ।
यस्तै गोष्ठीमा अपराध नियन्त्रण गर्न शिखरपानी सामुदायिक वन उपभोक्ता समूहका अध्यक्ष चन्द्र बहादुर पाख्रिनको संयोेजकत्वमा ९ सदस्यीय अपराध नियन्त्रण सञ्जाल गठन गरिएको छ । 
समितिको सदस्यहरुमा बालकुमारी थापा, केशव प्रसाद न्यौपाने, सूर्य बहादु घलान, ईश्वर पाख्रिन, लक्ष्मी श्रेष्ठ, रामजी लो, पदम बहादुर लो र सोम बहादुर लामा रहेका छन  । गोष्ठीमा विभिन्न सामुदायिक वनका पदाधिकारी, सुरक्षाकर्मी र कर्मचारीहरुको सहभागिता रहेको थियो ।