नामिबियाविरुद्ध नेपालको शानदार जित

२ फागुन, हेटौंडा । आईसीसी क्रिकेट विश्वकप लिग–२ मा नेपालले नामिबियाविरुद्ध शानदरा जित निकालेको छ । मंगलबार त्रिभुवन विश्वबिद्यालयको क्रिकेट मैदानमा भएको खेलमा आईसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबियाविरूद्ध नेपालले जित निकालेको हो ।
नामिबियाले दिएको २८६ रनको लक्ष्य नेपालले ८ विकेट गुमाएर ४७.३ ओभरमा पुरा ग¥यो । कुशल भुर्तेलले शानदार शतक प्रहार पछि नेपालले विश्वकप लिग–२ मा नामिबियामाथि २ विकेटको विजय हात पारेको हो ।
नेपालले एकदिवसीय अन्तराष्ट्रियमा पहिलो पटक नामिबियालाई हराएको हो । नेपालले पाँचौं खेलमा नामिबियाविरुद्ध जित निकालेको हो । यस्तै एकदिवसीय अन्तराष्ट्रियमा नेपालले पूरा गरेको यो सबैभन्दा ठूलो लक्ष्य पनि हो । यस अघि यूएईले दिएको २ सय ५४ रनको लक्ष्य नेपालले पूरा गरेको थियो ।
नेपालको जितमा कुशल भुर्तेलले कीर्तिमानी शतकीय इनिङ खेले । भुर्तेलले १ सय १३ बलमा १० चौका र ४ छक्काको सहयोगमा १ सय १५ रनको शतकीय ईनिङ खेले । कुशलको यो एकदिवसीय अन्तराष्ट्रियमा पहिलो शतक हो । 
यस्तै कप्तान रोहित पौडेलले ७६ बलमा ७२ रन बनाए । सन्दीप जोराले २४ बलमा २८ रन बनाए । पूर्व कप्तान ज्ञानेन्द्र मल्लले २५ रन बनाए । करण केसीले २० रन बनाउँदा सन्दीप लामिछाने भने गोल्डेन डग आउट भए । 
नामिबियाका रुवेल ट्रम्पेलम्यान र जान निकोलले समान ३÷३ विकेट लिए । त्यसअघि टस हारेर पहिले ब्याटिङ गरेको नामिबियाले अन्तिम बलमा अलआउट हुँदै  २ रन ८५ रन बनाएको थियो । उसका मिचेल भानले १ सय ३३ रनको शतकीय ईनिङ खेलेका थिए । यस्तै कप्तान ग्रेर्हाड इरास्मसले ५६ र जान ग्रिनले ३४ रन बनाएका थिए ।
नेपालका करण केसीले १० ओभरमा ६१ रन खर्चिएर ५ विकेट लिए । करणको यो एकदिवसीय अन्तराष्ट्रियमा तेस्रो ५ विकेट हो । एकदिवसीय अन्तराष्ट्रियमा तीन पाँच विकेट लिने करण पहिलो नेपाली खेलाडी हुन् । पूर्व कप्तान सन्दीप लामिछानेले ३ विकेट लिए । यस्तै सोमपाल कामी र कुशल मल्लले समान १÷१ विकेट लिए ।
सिरिजमा नेपाल २५ खेलमा २० अंक जोडेर छैटौं स्थानमा रहेको छ । नामिबिया ३१ खेलमा ३७ अंक जोडेर तेस्रो स्थानमा रहेको छ । सिरिज अन्तर्गत नेपालले दोस्रो खेलमा स्कटल्याण्डसँग फागुन ५ मा खेल्नेछ । यस्तै नेपालले फागुन ६ मा नामिबियासँग दोस्रो खेल खेल्दा स्कटल्याण्डसँग फागुन ९ मा खेल्नेछ ।