मन्त्री श्रेष्ठले गरे यातायात कार्यालय र ट्रायल सेन्टरको अनुगमन

३ फागुन, हेटौंडा । बागमती प्रदेशका श्रम, रोजगार तथा यातायात मन्त्री एका लाल श्रेष्ठले हेटौँडामा रहेको यातायात कार्यालय तथा ट्रायल सेन्टरको अनुगमन, निरिक्षण गरेका छन् । मन्त्रालय मातहतका कार्यालयहरुको बुधबार मन्त्री श्रेष्ठले अनुगमन गरेका हुन् । 
बागमती प्रदेशमा सबारी चालक अनुमतिको लागि ७० अंकभार लागु भएपछि मन्त्री श्रेष्ठले बुधबार हेटौँडा–११ थानाभर्याङमा रहेको यातायात ब्यवस्था कार्यालय तथा हेटौँडा ११ बागथलीमा रहेको ट्रायल सेन्टरको अनुगमन तथा निरिक्षण गर्न पुगेका हुन् । 
उक्त अवसरमा मन्त्री श्रेष्ठले ट्रायल परिक्षा दिदा कार्यबिधी अनुसार ७० अंकमा पास हुने व्यावस्थाको अक्षरस कार्यान्वयन गर्न सम्बन्धित निकायले निर्देशन दिए । उनले ७० प्रतिशत ल्याए ट्रायल पास हुने प्रणालीको सुरुवात भएसँगै सामान्य त्रुटीको कारण परिक्षामा फेल हुने अवस्थाको अन्त्य भएको बताए । 
यातायात क्षेत्रलाई थप व्यवस्थित बनाउनेतर्फ मन्त्रालय अघि बढेको भन्दै यातायात क्षेत्रमा रहेका समस्यालाई समाधान गर्ने विषय आफुहरुको प्राथमिकतामा रहेको मन्त्री श्रेष्ठको भनाई थियो । बागमती प्रदेशमा रहेका ११ वटा यातायात व्यवस्था कार्यालयबाट मंगलबारबाटै ७० प्रतिशत ल्याएमा उर्तिण हुने प्रावधानको सुरुवात भएको छ ।