बामगठबन्धन नेताहरुविच मात्रै हो, जनतामा होईनः डिना 

८ मंसिर, हेटौँडा । मकवानपुरको प्रतिनिधि सभा क्षेत्र नम्बर १ का उम्मेदवार एवम नेपाली कांग्रेसकी केन्द्रीय सदस्य महालक्ष्मि उपाध्याय डिनाले वामगठबन्धन एमाले र माओवादी कन्द्रका नेताहरु विच मात्रै भएको बताउँनुभएको छ । क्षेत्र नम्बर एक अन्तर्गत हेटौँडा उपमहानगरपालिका ११ मा आयोजित घरदैलो कार्यक्रममा बोल्दै उपाध्यायले गठबन्धनमा आम सर्वसाधरणको कुनै चासो नरहेको दावी गर्नुभयो ।

दुई कम्युनिष्ट पार्टीहरुले गठबन्धन बनाउँदैमा उनीहरुको जित सुनिश्चित रहेको भनि चलाइएको हल्ला निराधार भएको बताउँदै उपाध्यायले जनता लोकतन्त्रको पक्षमा रहेको ठोकुवा गर्नुभयो । उहाँले कम्युनिष्टहरुको गठबन्धन साम्यावाद उन्मुख भएको जनताले राम्रोसँग बुझेकाले जनताले अव लोकतन्त्रको संस्थागत विकासका लागी लोकतान्त्रिक गठबन्धनलाई मतदान गर्नें विश्वास व्यक्त गर्नुभयो ।

कार्यक्रममा नेपाली काग्रेस मकवानपुरका निवर्तमान सभापति एवम निर्वाचन परिचालन समितिका संयोजक रघुरमण न्यौपानेले कम्युनिष्टहरु विकास विरोधि भएको आरोप लागउँनुभयो । उहाँले कम्युनिष्टहरुले सत्ता बाहिर रहँदा गरेका आमहडताल, बन्द र सार्वजनिक सम्पतिको तोडफोडलाई सम्झिना आग्रह गर्दै नेपालमा बन्दको संस्कृती कम्युनिष्टहरुलेनै भित्राएको दावी गर्नुभयो । न्यौपानले मकवानपुरमा पटक पटक जितेका कम्युनिष्टहरुले केही नगरेको दावी गर्दै लोकतान्त्रिक गठबन्धनलाई एकपटक अवसर दिन आग्रह गर्नुभयो ।

नेपाली कांग्रेस हेटौँडा ११ का वडा सभापति विष्णु खनालको संयोजकन्तमा भएको घरदैलो कार्यक्रममा उम्मेदवार महालक्ष्मि उपाध्याय डिना, निवर्तमान सभापती रघुरमण न्यौपाने, राप्रपाका सिताराम बर्तौला लगाएत नपाली कांग्रेस र राप्रपाका नेता कार्यकर्ताहरुको उपस्थिति रहेको थियो ।