मकवानपुर गोल्डकपः मनाङ मस्र्याङदी फाइनलमा

८ फागुन, हेटौंडा । हेटौंडामा जारी पाँचौ सहिद स्मृति स्थानीय तह मकवानपुर गोल्डकपमा मनाङ मस्र्याङदी क्लव फाइनलमा प्रवेश गरेको छ । 
आइतबार भएको पहिलो सेमिफाइनलमा निर्धारित समय गोलरहित भएपछि सशस्त्र प्रहरीको एपिएफ क्लवलाई टाइब्रेकरमा स्तब्ध पार्दै मनाङले यस गोल्डकपमा पहिलो पटक उपाधि भिडन्त पक्का  गरेको हो । एपिएफले टाइब्रेकरमा ४–२ को जित निकालेको हो । 
मनाङले उपाधिका लागि सोमबार हुने हिमालयन शेर्पा र एभिनियर एफसी क्यामरुनबीचको विजेतास“ग प्रतिस्पर्धा गर्नेछ । टाइब्रेकरमा मनाङको तर्फबाट सरोज योञ्जन, विसन गुरुङ, सैजामोल डाभ्लाटिनोभ र आशिष गुरुङले गोल गर्दा सशस्त्रको तर्फबाट नवीन लामा र सुदिप शिख्रकारले मात्र गोल गरे ।
एपीएफका सनिस श्रेष्ठको प्रहार गोलपोष्टको बारमा लागेर बाहिरिँदा दिपेश धिमालको प्रहारलाई मनाङका गोलरक्षक दीप कार्कीले बचाए । गोलरक्षक कार्की नै खेलको म्यान अफ दी म्याच भए । उनले नगद १० हजार रुपैया“सहित ट्रफी प्राप्त गरे । 
यही १० गतेसम्म सञ्चालन हुने प्रतियोगिताको विजेताले १५ लाख र उपविजेताले १० लाख रुपैयाँ प्राप्त गर्नेछ । यस्तै सर्वोत्कृष्ट खेलाडीले रोयल इन्फिल्ड (बुलेट मोटरसाइकल) प्राप्त गर्नेछ भने विधागत उत्कृष्ट खेलाडी तथा प्रशिक्षकले जनही नगद २५ हजार रुपैयाँसहित ट्रफी प्राप्त गर्नेछ ।