‘डेट एक्सपायर लाई बोक्नु गम्भिर भुल’

८ मंसिर, हेटौँडा । नेकपा एमालेका प्रदेश सदस्य तथा पूर्व सांसद अनन्त पौडेलले मकवानपुरको कांग्रेसले ‘डेट एक्सपायर’ उम्मेदवारलाई बोकेर गम्भिर भुल गरेको बताएका छन् ।

पुर्वी मकवानपुरको बकैयामा भएको कार्यक्रममा बोल्दै पौडेलले गणतन्त्र नेपालमा अझैपनि राजा चाहिन्छ भन्दै हिडने नेतालाई कांग्रेसले बोकेर आफ्नो हैसियत समेत घटाएको दाबी गरे । प्रतिनिधिसभा निर्वाचन क्षेत्र नंबर १ का उम्मेद्वार कृष्णप्रसाद दाहालले मकवानपुरको विकासमा पटक÷पटक मन्त्री भएकाहरुले सिन्को नभाँचेको बताए । कार्यक्रममा बोल्दै प्रतिनिधिसभा निर्वाचन क्षेत्र नंबर १ अन्र्तगतको प्रदेशसभा (क) का उम्मेद्वार प्रेमबहादुर पुलामीले नेपालमा नयाँ युग र नयाँ समाजको नेतृत्व वाम शक्तिले मात्र गर्ने बताए ।

बकैयाको हात्तिसुडेमा भएको कार्यक्रममा एमालेका प्रदेश नबर ३ सदस्य रामचन्द्र राई, प्रतिनिधिसभा क्षेत्र नंबर १ का निर्वाचन परिचाल कमिटि संयोजक बद्री लम्साल, प्रदेशभा निर्वाचन परिचालन कमिटि संयोजक कमानसिंह पाख्रिन, वाम नेताहरु प्रमिला पुलामी, दलबहादुर वाईवा, पद्मा पौडेल, लक्ष्मी माझी, हिदम लामा, जीवन गोले, विजय गौतम लगाएतको उपस्थिती रहेको थियो । कार्यक्रम बकैया वडा नंबर ३ का अध्यक्ष महेश लोको अध्यक्षतामा भएको हो ।