हेटौंडा-१८ फुर्केचौर पुगेको हात्तीले एक युवकलाई घाइते बनायो

११फागुन,हेटौंडा। मकवानपुरको मनहरीमा एक महिलाको ज्यान लिएर हेटौंडा-१८ फुर्केचौर पुगेको जंगली हात्तीले आक्रमण गर्दा हेटौंडा–१८ मानेडाँडामा एकजना पुरुष घाईते भएका छन् । बुधबार साँझ हेटौंडा-१८ पुगेको सो जंगाली हात्तीले  हेटौंडा–१८, मानेडाँडाका बस्ने  ३० वर्षीय देव वाईबालाई घाइते बनाएको मकवानपुर प्रहरीले जनाएको छ ।

बुधबार रातिनै बाईबाको घर नजिक पुगेको हात्तीलाई  धपाउने क्रममा वाईबालाई हात्तीले आक्रमण गरेको प्रहरीले जनाएको छ । घाइते वाईबाकोे हेटौंडा अस्पतालमा उपचार भइरहेकोे छ।  बाइबा खतरामुक्त रहेको बुझिएको छ।

पर्सा राष्ट्रिय निकुञ्जबाट निस्केको जंगली हात्ती मनहरी हुदै बुधबार साँझ  हेटौंडा-१८ हर्नामाडी आसपासको क्षेत्रमा देखा परेको हो।  स्थानीय सैलेन्द्र बानियाको अनुसार हात्ती बुधबार साँझ हेटौंडा-१८ हर्नामाडी स्थित धरान चतरा सडकखण्ड पार गरेरे पुर्व तर्फ गोरक्षनाथ सामुदायिक वन भित्र प्रवेश गरेको बताए। 

सोमबार बिहान मनहरी -४ नजिकै रहेको पर्सा राष्ट्रिय निकुञ्जबाट आएको जंगली हात्तिले मनहरी गाउँपालिका वडा नम्बर ४ मसिनेकी ६४ बर्षीय राधा अधिकारीलाई आक्रमण गरेको थियो।  गम्भीर घाइते उनको अहिले हेटौंडा ११ स्थित चुरेहिल अस्पतालमा उपचार हुन नसकेपछि थप उपचारका लागि भरतपुर स्थित पुरानो मेडिकल कलेज लगिएकोमा उपचारको क्रममा साझ मृत्यु भएको थियो।