हेटौँडामा आइटी स्रोत शिक्षकलाई क्षमता विकास तालिम

१२ फागुन, हेटौँडा । हेटौँडामा आइटी स्रोत शिक्षकलाई क्षमता विकास तालिम प्रदान गरिएको छ । हेटौँडा उपमहानगरपालिका शिक्षा विकास महाशाखाले उक्त तालिमको आयोजना गरेको हो । 
हेटौँडा– ४ मा रहेको भुटनदेवि माध्यमिक विद्यालयमा सञ्चालित ३ दिने तालिमको  विवशजङ्ग थापा, महेश पोदार र संप्रस पौडेल लगायतले सहजीकरण गरेका थिए । तालिममा गुगलद्वारा उत्पादित सफ्टवेयरहरूको प्रयोग, क्लाउउड स्टोरेज, मल्टिमिडिया टुल्स, एक्सेल, पावरप्वाइन्ट स्लाइड, क्विजिज, क्यान्भा, कोर्स म्यानेजमेन्ट, वेब वेस्ड एसेसमेन्ट टुल्स, सिङ्क्रोनस तथा एसिङ्क्रोनस विधिहरूको प्रयोग तथा सीकाई लगायत आइटी सम्बन्धी प्रोग्रामका बारेमा सहजीकरण गराइएको प्रशिक्षक संप्रस पौडेल जानकारी दिएका छन्। 
विभिन्न विद्यालयका ६०  जना सहभागी रहेको तालिमको शुक्रबारको समापन समारोहमा  हेटौँडा उपमहानगरपालिका शिक्षा विकास महाशाखा प्रमुख गंगाधर रिमाल, शिक्षा अधिकृत रामचन्द्र खड्काले सहभागीहरुलाई प्रमाणपत्र प्रदान गरेका थिए ।  
त्यसैगरी उपमहानगरपालिकाले सामुदायिक विद्यालयलाई निशुल्क प्रदान गरेको सफ्टवेयर सञ्चालनमा रहेका समस्याहरू समाधान र दिगो तथा अनिवार्य प्रयोगका लागि छिट्रटै  १ दिने सेमिनारको आयोजना गरिने उपमहानगरपालिकाका शिक्षा अधिकृत रामचन्द्र खड्काले बताए ।