मकवानपुर प्रहरीको सफलता: कैलाशबाट बन्दुक र गाजाँ सहित ५ पक्राउ

१३ फागुन, कैलाश । मकवानपुर प्रहरीले मकवानपुरको कैलाशबाट ठुलो मात्रामा लागूऔषध गाँजा,चरेश र बन्दुक सहित ५ जनालाई पक्राउ गरेको छ।मकवानपुर प्रहरीले शुक्रबार राति कैलाश गाउँपालिका-६ बाट   ठूलो परिमाणमा लागूऔषध गाँजा,चरेस र हतियार सहित पाँच जना पक्राउ गरेेेको छ।कैलाशको वडा नम्बर–६ दुम्सीखर्कबाट प्रहरीले लागूऔषध गाँजा,चरेस र दुईवटा बन्दुकसहित पाँचजनालाई नियन्त्रणमा लिएको बागमती प्रदेश प्रहरी कार्यालय हेटौंडाले जानकारी दिएको छ ।

बिशेष सूचनाको आधारमा कैलाश पुगेको प्रहरीले स्थानीय जितबहादुर मोक्तानको घरबाट आगूऔषध सहित बन्दुक फेला पारेको हो । जिल्ला प्रहरी कार्यालय मकवानपुर,वडा प्रहरी कार्यालय हेटौंडाबाट प्रहरी निरीक्षक केशर कुमार न्यौपाने र इलाका प्रहरी कार्यालय पालुङबाट प्रहरी निरीक्षकको संयुुक्त रुपमा खटी गएको  प्रहरी टोलीले मोक्तानको घर खान्तलासी गर्दा भरुवा बन्दुक १ थान, कटुवा पेस्तोल एक थान, बन्दुकमा लाग्ने गोली छ राउण्ड र उनको घर नजिक रहेको गोठबाट लागूऔषध १५०० किलो गाँजा  फेला पारेको प्रहरीले जनाएको छ । यस्तै चरेस जस्तो देखिने धुलो वस्तु १२ किलो पनि फेला पारीएको बागमती प्रदेश प्रहरी कार्यालय, हेटौंलो जनाएको छ ।

प्रहरीले अनुसन्धानको लागी स्थानीय जितबहादुर मोक्तन सहित ५ जनालाई नियन्त्रणमा लिएको छ । प्रहरीले मोक्तान सहित कैलाश गाउँपालिका वडा नम्बर १ बस्ने २८ बर्षका बिजय गोले, बर्ष ४० का रत्न घले, बर्ष २२ को अशोक घले र बर्ष २२ कै शिखर घलेलाई नियन्त्रणमा लिएको छ । पक्राउ परेकाहरुको बारेमा थप अनुसन्धान प्रकृया अगाडी बढाइएको जिल्ला प्रहरी कार्यलय मकवानपुरका प्रहरी निरीक्षक एवं निमित्त प्रहरी प्रवक्ता रामचन्द्र घिमिरेले जानकारी दिए ।