निर्वाचन बिरोधी कार्य गर्नेलाई कडा कारबाही गरिनेः प्रजिअ बुढा  

९ मंसिर, हेटौँडा । मकवानपुरका प्रमुख जिल्ला अधिकारी चक्रबहादुर बुढाले निर्वाचन बिरोधी गतिविधिमा संलग्न हुने र निर्वाचन बिरोधी कार्यगर्नेलाई कडा कारबाही गरिने  बताएका छन ।

तु खबर डट कमले आयोजना गरेको साक्षत्कार कार्यक्रममा बोल्दै प्रमुख जिल्ला अधिकारी बुढाले निर्बाचन बिथोल्ने मनसायले हातहतियार सहित कसैलाई भेटिएमा नियन्त्रणमा लिएर कारबाही चलाउने र आवश्यक परेमा गोलीसमेत चलाउन सक्ने अधिकार सुरक्षा निकायलाई दिइएको बताएका छन । मकवानपुरका उम्मेद्वारहरुको सुरक्षाका लागि आफूहरु चनाखो रहेको बताउँदै बुढाले आवश्यक परेको खण्डमा र उम्मेद्वारहरुले माग गरेमा व्यक्तिगत सुरक्षाका लागि सुरक्षाकर्मी खटाइने पनि बताएका छन ।

उनले निर्बाचनमा खटिने कर्मचारी, स्थानीय निकायका जनप्रतिनिधिको सुरक्षाका लागि सतर्कता अपनाएको जानकारी दिए ।

त्यसैगरी मकवानपुरका प्रहरी उपरीक्षक विकासराज खनालले कुनै अप्रिय घटना घटे घटना घटेको १० मिनेट भित्र सुरक्षाबल पुगिसक्ने बताएका छन । कार्यक्रममा पत्रकार महासंघ मकवानपुरका उपाध्यक्ष कुमार अधिकारी लगायत संचारमाध्यमा आवद्ध संचारकर्मीहरुको सहभागिता रहेको थियो । कार्यक्रम तु खबर डट कम का संचालक गिरिजा अधिकारीले संचालन गरेका थिए ।