सुनगाभा बोर्डिङले मनायो २३ औ अभिभावक भेला

१८ फागुन, हेटौडा ।  हेटौडा–६, चौघडामा रहेको सुनगाभा शिक्षा निकेतन ईङलिश स्कूलले आफ्नो २३ औं अभिभावक भेला बिहीबार  मनाएको छ। 

विद्यालयका अध्यक्ष रामहरि न्यौपानेको सभाध्यक्षतामा सम्पन्न कार्यक्रममा बागमती प्रदेश सामाजिक विकास मन्त्रालयका सचिव रामशरण सापकोटाको प्रमुख आतिथ्यतामा रहेको थिओ। भेलामा विद्यालयका अध्यक्ष रामहरि न्यौपानेले विद्यालयको शैक्षिक, भौतिक तथा आर्थिक प्रतिवेदन पेश गरेका थिए ।

उक्त कार्यक्रममा विद्यालयका प्रिन्सिपल अरुण पराजुली, शिक्षिका सुस्मिता न्यौपाने, प्रशन्ना रिजाल र कर्मचारी चण्डीका ढकाल, उत्कृष्ट अभिभावकमा विना देवकोटा, शोभा घिमिरे, गीता ढकाल, अनिशा तिमल्सिना र सुनिता क्याचाकीलाई सम्मान गरिएको थियो भने  उत्कृष्ट शिक्षकमा निमा थापा र मुना विक. रचना बज्रचार्य र उत्कृष्ट विद्यार्थीमा अविन सापकोटा, रस्मिता सुवेदी, सौगात थापा र दिवस सञ्जेललाई सम्मान गरिएको थियो ।भेलामा  समृद्ध समाज राष्ट्रिय दैनिकका सम्पादक सुरेश श्रेष्ठ र सञ्चारकर्मी भीमसेन पौडेललाई  सम्मान गरिएको थियो ।

कार्यक्रममा हेटौडा–६ का वडा अध्यक्ष विष्णु बहादुर दाहाल, वडा सदस्य सरिता सापकोटा, निवर्तमान ६ नम्बर वडा अध्यक्ष अर्जुन प्रसाद चौलागाई, नेपाल पत्रकार महासंघ बागमती प्रदेश उपाध्यक्ष रुपेश दुलाल, विद्यालयका संस्थापक अध्यक्ष बासुदेव अधिकारी, प्यावसन मकवानपुरका अध्यक्ष विनोद सुवेदी, उपाध्यक्ष लक्ष्मी श्रेष्ठ, विद्यालयका प्रवन्ध सञ्चालक रामहरि चौलागाई, सचिव नारायण प्रसाद अधिकारी अभिभावक विश्वराज राई लगायतको उपस्थिति रहेको थियो ।