एकै दिन ३ विस्फोट कसले गरायो ?

हेटौँडा–५ सानोपोखरामा विस्फोट भएको स्थान ।

९ मंसिर, हेटौँडा । मकवानपुरका विभिन्न ३ स्थानमा शनिबार विष्फोट गराईएको छ । मनहरी, लेवट र सानोपोखरामा एकै दिन फरक समयमा विष्फोट गराईएको हो ।

अपरान्ह ४ बजे मनहरी बजारमा रहेको प्रतिक्षालयमा बम विष्फोट भएको छ । प्रतिक्षालयमा गराईएको सुतली बम विष्फोटबाट मानवीय क्षति नभएको जिल्ला प्रहरी कार्यालय मकवानपुरले जनाएको छ । मनहरीमा विष्फोट भएको २ घण्टापछि हेटौँडा–३ लेवटमा विष्फोट भएको छ । प्रतिनिधिसभा क्षेत्र नम्बर २ को प्रदेश २ का उम्मेदवार ईन्द्रबहादुर बानियाँको सम्पर्क कार्यालय रहेको भवन नजिक विष्फोट भएको छ । विष्फोटबाट कुनै क्षति नभएको प्रहरीको भनाई छ ।

बानियाँ भने आफ्नो चुनावी अभियानका क्रममा मनहरी गाउँपालिकामा रहेको जनाईएको छ । लेवटमा विष्फोट भएको आधा घण्टा नवित्दै हेटौँडा–५ सानोपोखरामा कान्तिलोकपथस्थित कल्र्भट नजिक विष्फोट भएको थियो । त्यहाँ पनि कुनै मानवीय क्षति नभएको प्रहरीको भनाई छ । घटनापछि तीनै स्थानमा प्रहरीको उपस्थिति बढाईएको छ । विष्फोटको कारण खुल्न सकेको छैन ।

निर्वाचन गतिविधिमा अवरोध पु¥याउँदै आईरहेको विप्लव नेतृत्वको नेपाल कम्युनिष्ट पार्टीले विष्फोट गराएको हुन सक्ने आशंका गरिएको छ । तर घटनाको जिम्मेवारी कसैले लिएको छैन । अहिले मकवानपुरका सबै प्रहरी इकाईलाई उच्च सतर्कतामा राखिएको प्रहरीको भनाई छ ।