लोकतान्त्रिकको हेटौँडा १३ पदमपोखरीमा घर दैलो र कोणसभा 

   १० मंसिर, हेटौँडा । लोकतान्त्रिक गठबन्धनको हेटौँडा १३ पदमपोखरी को रातोमाटे टोल, ठुलथली र बनस्पतीमा  कोणसभा र पदमपोखरीको विभिन्न स्थानमा घर दैलो कार्यक्रम भएको छ । 
लोकतान्त्रिक गठबन्धनका तर्फबाट मकवापुर जिल्ला प्रतिनिधि सभा क्षेत्र नम्बर १ को प्रदेश सभा ख का उम्मेदवार अशोक शाक्यको नेतृत्वको टोलीले हेटौँडा उपमहानगरपालिका वडा नम्बर १३ पदमपोखरी को रातोमाटे टोल, ठुलथली र बनस्पती  सहित विभिन्न टोलटोलमा पुगेर मतदातासँग लोकतान्त्रिक गठबन्धनको पक्षमा मतदान गर्न आग्रह गर्दै घर दैलो कार्यक्रम गरेको हो ।   
घरदैलो पछि  पदमपोखरी को रातोमाटे टोल, ठुलथली र बनस्पतीमा  भएको कोणसभालाई सम्बोधन गर्दै प्रदेश सभा ख का उम्मेदवार अशोक शाक्यले मकवानपुरको विकासको र १५ बर्ष लामो बामपन्थीहरुको नक्कली विकासे एजेन्डाको अनत्यकालागी लोकतान्त्रिक पक्षधरहरुलाई भोट दिन आग्रह गर्नुभयो । यस्तै राप्रपाबाट समानुपातिक उम्मेदवार दिपक सिंहले बाम गठबन्धनले मकवानपुरे जन्तालाई विकासको ढोङ् रचेर भ्रममा राखेको भन्दै  मकवापुरमा  लोकतान्त्रिकको जित अपरिहार्य रहेको बताए  । 
कार्यक्रममा राप्रपा केन्द्रीय सदस्य मधु अधिकारी, नेपाली कांग्रेसका जिल्ला कोषाध्यक्ष गोपी लाल विक, काँग्रेस नेतृ उमा दाहाल, काँग्रेस प्रवक्त प्रदिप कोईराला , लोकतान्त्रिक गठबन्धन १३ नम्बर प्रचार प्रसार संयोजक बिष्णु थिङ् लगायत टोल प्रचार प्रसार समिति सहित गठबन्धनमा आवद्ध नेता कार्यकर्ताको उपस्थिति रहेको थियो । घरदैलो र कोणसभा कार्यक्रम मार्फत काँग्रेस नेता चम्फु रत्न लामाले मतदाता शिक्षा दिएका थिए ।