प्रधानमन्त्री दाहालले चैत ६ गते विश्वास‍को मत लिने

१ चैत, काठमाडौं । प्रधानमन्त्री पुष्पकमल दाहालले चैत ६ गते विश्वास‍को मत लिने भएका छन् । प्रधानमन्त्री दाहालले चैत ६ गते पुन: प्रतिनिधिसभाबाट विश्वासको मत लिने भएका हुन् ।
प्रधानमन्त्री दाहालले मंगलबार कांग्रेस सभापति शेरबहादुर देउवासहित जसपा अध्यक्ष उपेन्द्र यादव र एकीकृत समाजवादीका अध्यक्ष माधवकुमार नेपाल लगायत शीर्ष नेतासँग परामर्श गरेको र  परामर्शपछि चैत ६ गते विश्वासको मत लिने तयारी गरेको दाहालका सचिवालयका एक सदस्यले बताए ।
समर्थन गरेको दलले समर्थन फिर्ता लिएको अवस्थामा प्रधानमन्त्रीले ३० दिनभित्र प्रतिनिधिसभाबाट पुन: विश्वासको मत लिनुपर्ने संवैधानिक व्यवस्था छ। 
नेकपा एमाले, राप्रपा र राष्ट्रिय स्वतन्त्र पार्टीसहितको गठबन्धनको समर्थनमा पुस १० गते प्रधानमन्त्रीमा नियुक्त भएका दाहालले पुस ११ गते पद तथा गोपनीयताको शपथ ग्रहण गरेका थिए । दाहालले पुस २६ गते संघीय संसदबाट विश्वासको मत लिएका थिए । उनले एमाले, कांग्रेससहित १० दलको समर्थन पाएका थिए भने विपक्षमा २ मत परेको थियो ।
तर राष्ट्रपति निर्वाचनको क्रममा गर्दा एमाले र राप्रपाले सरकारलाई दिएको समर्थन फिर्ता लिएर सरकारबाट बाहिरिएका छन् । त्यसैले सबैधानिक व्यवस्थाअन्तर्गत उनले चैत ६ गते पुन: प्रतिनिधिसभाबाट विश्वासको मत लिन लागेका छन् ।