मकवानपुरमा काँग्रेस प्रवेश गर्नेको लर्को       

शिखरापुरमा भएको कार्यक्रममा उमेदवार लामिछाने

                       
१० मंसिर, हेटौँडा । लोकतान्त्रिक गठबन्धनको निर्वाचन प्रचार प्रसार कार्यक्रम अन्तर्गत प्रतिनिधि सभा क्षेत्र नम्बर १ को बकैया गाउँपालिका ८ शिखरपुरमा चुनावी भेलाको आयोजना गरिएको छ । कार्यक्रममा राप्रपाका जिल्ला अध्यक्ष गणेश थापाले लोकतान्त्रिक गठबन्धनबाट मात्रै मकवानपुरको पुर्वि क्षेत्रको विकास सम्भव भएको बताउँदै मतदान गर्न आग्रह गर्नुभयो ।

थापाले मकवापुरको विकास सम्बृद्धिको लागी लोकतान्त्रिक गठबन्धनको जितको विकल्प नभएको बताउँनुभयो । कार्यक्रममा नेपाली कांग्रेसका अर्जुन खडका, राप्रपाका राजाराम अर्याल, लगाएतले बोल्नुभएको थियो । उक्त अवसरमा विभिन्न पार्टी परित्याग गरि करिब एक सय जना नेपाली कांग्रेसमा प्रवेश गरेको नेपाली कांग्रेसका भुमिनन्द गौतमले जानकारी दिनुभयो ।

यसैविच लोकतान्त्रिक गठबन्धनले निर्वाच प्रचार प्रसार कार्यक्रम अन्तर्गत बकैया गाउँपालिकाको १ रजुवामा घरदैलो कार्यक्रमा गरिएको छ । घरदैलो कार्यक्रममा नेपाली कांग्रेसका भुमिनन्द गौतम, राप्रपा समानुपातिक उम्मेदवार लक्ष्मि जिम्बा लागएतको सहभागिता रहेको थियो । यस्तै लोकतान्त्रिक गठबन्धनका तर्फबाट प्रतिनिधि सभा १ अन्तर्गत प्रदेश सभा क का उम्मेदवार धर्म लामिछानेको नेतृत्वमा हेटौँडा उपमहानगरपालिका १७ हटियामा घरदैलो एवम चुनावी सभाको आयोजा भएको छ ।

कार्यक्रममा उम्मेदवार लामिछाने, नेपाली कांग्रेसका दामोदर सुवेदी,उद्धव सत्याल, राप्रपाका नवराज विष्ट लागएतको उपस्थिति रहेको थियो । यसैगरी आइतबारनै लोकतान्त्रिक गठबन्धन निकट युवाहरुको संयुक्त भेलाले गढी गाउँपलिका ३ मा दामोदर दहालको संयोजकत्वमा १ सय एक सदस्यीय बुथ संरक्षण समिति निर्माण गरको छ ।