विकेशलालले गरे मन्दिरलाई डस्टविन र विद्यार्थीलाई शैक्षिक सामग्री सहयोग

मन्दिरलाई डस्टविन हस्तान्तरण गर्दै श्रेष्ठ र उनकी छोरी

३ चैत,हेटौंडा । हेटौंडाका युवा समाजसेवी तथा व्यवसायी विकेशलाल श्रेष्ठले हेटौंडा-७ न्युरेनी चिसापानीमा रहेको पशुपति मन्दिरलाई डस्टविन र हेटौंडाकै एक सामुदायिक विद्यालयका विद्यार्थीलाई शैक्षिक सामग्री सहयोग गरेका छन्। 

विभिन्न सामाजिक काममा सकृया उनले आफ्नो ६ बर्षीया छोरी विभियानको नाममा स्थापना भएको विभियाना फाउन्डेसन मार्फत मन्दिरलाई ६ थान डस्टविन सहयोग गरेका हुन।

उक्त ६ थान डस्टविन श्रेष्ठ र उनकी ६ बर्षीया छोरी विभियाना श्रेष्ठले संयुक्त रुपमा मन्दिर व्यवस्थापन समिति अध्यक्ष कृष्ण प्रसाद घिमिरेलाई हस्तान्तरण गरेका थिए।पर्यटकिय क्षेत्रको रुपमा विकसित हुदै गएको मन्दिरमा फोहोर व्यवस्थापनमा सहयोग पुगोस भन्ने हेतुले डस्टविन सहयोग गरेको बताए।  डस्टविन हस्तान्तरण कार्यक्रममा हेटौंडाका उपमेयर राजेश बानियाँ,७ नम्बर वडाध्यक्ष दामोदर गौतम, संगालो टोल विकास समिति पुर्व अध्यक्ष दिलीप सुवेदी,वर्तमान अध्यक्ष वेद प्रसाद भट्टराई  लगायतको उपस्थिती रहेको थियो। 

त्यसैगरी गरी उनले बिहीबार हेटौंडा-११ गोल्फेनटारमा रहेको शंकरज्योती आधारभूत विद्यालयका करिब ६० जना विद्यार्थीलाई शैक्षिक सामग्री सहयोग गरेका छन्। उनले विभियाना फाउन्डेसन मार्फत उक्त साम्रगी सहयोग गरेका हुन्। उक्त फाउन्डेसनले जिल्लाको विभिन्न स्थानमा रहेका विद्यालयका  विद्यार्थीलाई न्यानो कपडा,शैक्षिक साम्रगी सहयोग गर्दै आएको छ।