शिक्षाको गुणस्तर सुधार आवश्यकः नगर प्रमुख लामा

६ चैत, हेटौंडा । हेटौंडा उपमहानगरपालिकाकी प्रमुख मिना लामाले सामुदायीक बिद्यालयमा दिदैँ आएको शिक्षामा सुधार आवश्यक रहेको बताएकी छन् । उनले पुर्वाधारका हिसाबले सामुदायीक बिद्यालय अव्बल देखिए पनि शिक्षाको गुणस्तरमा कम्जोर रहेको भन्दै उनले सुधार आवश्यक रहेको बताएकी हुन् । 
हेटौंडा ११ सिमलटारमा रहेको शंकर ज्योती आधारभूत बिद्यालयको २७ औं अभिभावक भेलाको अवसरमा बोल्दै प्रमुख लामाले यस्तो बताएकी हुन् । उक्त अवसरमा प्रमुख लामाले विद्यालयको नवनिर्मित ४ कोठे भवनको उद्घाटन पनि गरेकी छन् । भवन जिल्ला कार्यक्रम कार्यान्वयन इकाइ (शिक्षा) को ७० लाख रुपियाँको लागतमा निर्माण गरिएको हो । 
उनले कार्यक्रममा बोल्दै बिद्यालयमा शिक्षकले दिएको शिक्षाको मात्र भर परेर नबस्न अभिभावक हरुलाई आग्रह पनि गरिन् । बिद्यालयमा लिएको शिक्षासँगै आफुले पनि घरमा बालबालिकाको अवस्था, बिचार र धारणाका बारे जानकार हुन आवश्यह रहेको उनको भनाई थियो । 
कक्षा ८ सम्म अध्यापन हुने बिद्यालयमा रहेको पुरानो कच्ची भवनहरु जिर्ण हुँदै गएसँगै भवन अभाबका कारण समस्या हुँदै आएको थियो । करिब ५ सय बिद्यार्थि रहेको बिदालयमा अहिले पनि भवनको अभाब रहेको अभिभावक भेलामा प्रधानाध्यापक मुकुन्द न्यौपानेले बताए । उनले पुराना भावन जिर्ण हुँदै गएकाले बिद्यालयका लागि थप ८ कोठाको नयाँ पक्कि भवन आवश्यक रहेको बताए । 
अभिभाक भेला कै अवसर पारेर बिद्यालयका पुर्व शिक्षक रामबहादुर थापालाई बिदाई गरिएको छ भने उत्कृष्ठ शिक्षकको रुपमा कबिता गौतम, विन्दुसिं ठकुरी र शुसिला न्यौपानेलाई सम्मान गरिएको थियो । 
बिद्यालय व्यवस्थापन समितिका अध्यक्ष सुर्यबहादुर खुलालको अध्यक्षतामा भएको अभिभावक भेला तथा बिद्यालय भवन उद्घाटनमा हेटौंडा–११ का वडा अध्यक्ष जुना दाहाल, वडा सदस्य गोपिनी सापकोटा, बिकास नेपाल, गिता सुनार, उपमहानगरका शिक्षा बिकास अधिकृत रमेश बिडारी, बिद्यालय व्यवस्थापन समितिका पुर्व अध्यक्ष कमलचन्द्र सुमन लगाएतले मन्तव्य व्यक्त गरेका थिए ।