हेटौंडा-६ मा जनता स्वास्थ्य घरदैलो कार्यक्रम प्रभावकारी,७९० ले लिए सेवा

१७ चैत,हेटौंडा । हेटौंडा वडा नम्बर-६ ले सुरु गरेको जनता स्वास्थ्य घरदैलो कार्यक्रम प्रभावकारी देखिएको छ।हेटौंडा स्वास्थ्य चौकी चौघडाले शुक्रबार आयोजना गरेको पत्रकार भेटघाटमा सो कार्यक्रमको जानकारी दिदै प्रभावकारी भएको उल्लेख गरिएको हो। 

हेटौंडा उपमहानगरपालिका वडा नम्बर ६   र हेटौंडा स्वास्थ्य चौकी चौघडाले  कार्यक्रम अन्तर्गत मृगौला जोगाऔ अभियानको घरदैलो स्वास्थ्य शिविरमा ७ सय ९० ले सेवा लिएको  हेटौंडा-६ स्थित हेटौंडा स्वास्थ्य चौकीका प्रमुख तोयानाथ ढुंगेलले पत्रकार सम्मेलनमा बताएका छन्।

जनता स्वस्थ्य घरदौलो कार्यक्रम मार्फत ‘जनताको मृगौला जोगाऔं’ अभियान चलाउँदै चैत्र १३ गतेदेखी १६ गतेसम्म हेटौंडा-६ को २३ टोलहरुमा ३० बर्ष उमेर माथिका व्यक्ती लक्षित स्वास्थ्य शिविर चलाइएको र जसमा ५ सय २७ महिला र २३६ पुरुषले मृगौला जाच गरेको ढुङ्गेलले बताए। 

हेटौंडामा सम्भवत पहिलो पटक वडा कार्यालयको नेतृत्वमा जनताको घरघरमै पुगी स्वास्थ्य सेवा प्रदान गर्ने अभियान सञ्चालन गरिएको स्वास्थ्य केन्द्रका प्रमुख ढुंगेल बताउँछन् ।

" कार्यक्रम अन्तर्गत शिविरमा प्रोटिन, पिएच र ग्लूकोजको परिक्षण गरिएको, जसमध्ये प्रोटिनमा ८५ जनालाई सामान्य समस्या , २३ जनालाई न्यून समस्या, ७ जनालाई केही समस्या र ४ जनालाई मध्यम समस्या देखिएको,त्यसैगरी पिएच टेस्मा ४ जनालाई सामान्य समस्या,८ जनालाई न्यून समस्या, ३ जनालाई केही समस्या देखिएको छ । ग्लूकोज टेस्टमा भने २२ जनलाई सामान्य, ७ लाई न्यून, १५ लाई केही र २० लाई मध्यम समस्या देखिएको थियो" - चौकी प्रमुख ढुङ्गेलले भने। 

पत्रकार भेटघाटमा उनले स्वास्थ्य चौकी प्रमुख ढुंगेलले निकट दिनमै  नगरलाई  बालमैत्री स्थानिय शासनयुक्त कायम गर्ने अभियान अन्तर्गत यस चौकीले स्वास्थ्य तर्फको ८ वटा सुचकहरु पूरा गरिसकेको बताए ।पत्रकार भेटघाटमा  बोल्दै  हेटौंडा-६ का वडाध्यक्ष विष्णु दाहालले स्वास्थ्य चौकीले वडावासीको स्वास्थ्यको क्षेत्रमा योगदान गरेको बताउदै, जनता स्वास्थ्य घरदौलो कार्यक्रम सम्भव १९ वडामै पहिलो रहेको बताए। 

पत्रकार भेटघाटमा हेटौंडा उपमहानगरपालिका वडा नम्बर ६ का वडा सदस्यद्वय विजय पौडेल, लेखराज ढकाल, नेपाल पत्रकार महासंघ बागमती प्रदेश उपाध्यक्ष रुपेश दुलाल, प्रेस युनियन मकवानपुरका अध्यक्ष कुमारी अधिकारी पोष्टराज  रानी सामुदायिक वन उपभोक्ता समूहका सचिव भीमसेन पौडेल,स्थानिय युवा प्रदीप ढुंगाना लगायतको उपस्थिति रहेको थियो।