महिला जनप्रतिनिधीका लागी क्षमता विकास तालिम सुरु

२१ चैत, हेटौंडा ।  हेटौंडा उपमहानगरपालिका क्षेत्रका बिभिन्न वडामा निर्वाचित भएका महिला जनप्रतिनिधीका लागि नेतृत्व तथा क्षमता विकास तालिम सुरु भएको छ । 
हेटौंडा उपमहानगरपालिका महिला तथा वालबालिका महाशाखाको आयोजनामा सुरु भएको तालिमको उपमहानगरका कार्यवाहक नगरप्रमुख राजेश बानियाँले सोमवार उद्घाटन गरेका हुन् । 
तालिमको उद्घाटन गर्दै कार्यवाहक नगरप्रमुख बानियाँले तालिमले प्रशिक्षणमा रहेका महिला जनप्रतिनिधीको नेतृत्व तथा क्षमता बिकासमा सहयोग पुग्ने बिश्वास व्यक्त गरे । उनले यस्ता तालिमले भोलिका दिनमा सामाजिक नेतृत्वका हिसाबले अघि बढ्न मद्दत पुग्ने बताए । 
सामाजिक बिकास समितिमा संयोजक तथा हेटौंडा १६ का अध्यक्ष रामकृष्ण कोइरालाको अध्यक्षतामा भएको तालिममा हेटौंडा २ का वडा अध्यक्ष बिष्णुगोपाल मर्हजन, उपमहानगरका प्रमुख प्रशासकिय अधिकृत शिबराज चौलागाई, महिला तथा वालबालिका महाशाखा प्रमुख बिष्णुकुमारी लामिछाने लगाएतको आतिथ्यता रहेको थियो ।
१९ वडामा निर्वाचित महिला जनप्रतिनिधीहरुको सहभागिता रहेको तालिम ५ दिन सम्म हेटौंडाको गैरसरकारी सस्था महासंघको हलमा सञ्चालन हुने छ । तालिममा सहभागितालाई प्रमुख प्रशिक्षक सोनालाल चौधरी, सहायक प्रशिक्षक अशोक कुमार कामतीले सहजिकरण गर्ने छन् । 
तालिममा भाषणकला, उद्घोषण कला, जनतालाई वडाबाट दिने सुबिधाक्रममा अवलम्बन गर्ने स्वभाब, व्यवहार, वडामा हुने योजना तर्जुमा र कार्यान्वयन सहित व्यक्तीत्व बिकासका लागि आवश्यक बिषयका बारेमा बाहिबाट आएका प्रशिक्षकले सहजीकरण गर्ने बताइएको छ ।