फेकोफन भिमफेदी अध्यक्षमा शिवराम रुम्बा

२७ चैत्र, हेटौडा । सामुदायिक वन उपभोक्ता महासंघ(फेकोफन) भीमफेदी गाउँपालिकाको दोश्रो स्थानीय अधिवेशन सोमवार भीमफेदीमा सम्पन्न भएको छ। सोमबार सम्पन्न अधिवेशनले  शिवराम रुम्वाको अध्यक्षतामा नयाँ कार्यसमिति सर्वसम्मत चयन गरेको छ ।  चयन गरेको फेकोफन भिमफेदी कार्य समितिको उपाध्यक्षमा रमेश कुमार थिङ, सचिवमा लक्ष्मी पुडासैनी र कोषाध्यक्षमा मखमली राना रहेका छन्। 

त्यसैगरी जिल्ला प्रतिनिधिमा महिला तर्फ लक्ष्मी पुडासैनी,गोरीमाया लामा, विष्णुकुमारी थापा र पुरुष तर्फ भीम बहादुर घिसिङ, मनोज थापा र पूणर् बहादुर स्याङतान चयन भएका छन । त्यसैगरि प्रदेश प्रतिनिधिमा महिला तर्फ पञ्चमाया स्याङतान, शर्मिला महत, देवी लोप्चन र पुरुष तर्फ नवराज रायमाझी, सीताराम रुम्बा र शिवराम रुम्बा चयन भएका छन । भीमफेदी गाउँपालिका वडा नं. ६ का वडा अध्यक्ष सोम बहादुर घलानको प्रमुख आतिथ्यता सम्पन्न अधिवेशनमा फेकोफन स्थानीय महासंघ भीमफेदीका अध्यक्ष शिवराम रुम्बाको अध्यक्षता रहेको थियो  ।

अधिवेशनमा सामुदायिक वन उपभोक्ता महासंघ, मकवानपुरका अध्यक्ष साधुराम चौलागाई, स्थानीय महासंघ, हेटौडाका अध्यक्ष शम्भु प्रसाद न्यौपाने, भीमफेदी गाउँपालिका वडा नं. ५ का वडा सदस्य रिता कुमारी मगर, सामुदायिक वन उपभोक्ता महासंघ, मकवानपुरकी निवर्तमान अध्यक्ष पञ्चमाया स्याङतान,सल्लाघारी सामुदायिक वनका अध्यक्ष तिलक प्रसाद रेग्मी,रानी सामुदायिक वनका कार्यालय सचिव भीमसेन पौडेल ,महासंघकी सहतकर्ता सन्ध्या शिवाकोटी, स्थानीय महासंघका प्रतिनिधि लगायतकाको सहभागिता रहेको  थियो ।