बाम गठबन्धनको थाहामा कोणसभा 

१३ मंसिर, हेटौंडा । मकवानपुर क्षेत्र नम्बर २ प्रतिनिधिसभाका बाम गठबन्धन उम्मेदवार बिरोध खतिवडाले भुत देखेर नडराउन मतदाताहरुलाई आग्रह  छन् । थाहा नगरपालिका ६ बज्रबाराहीमा बुधबार भएको कोणसभामा बोल्दै उनले भुत देखेर नडराउन मतदाताहरुलाई आग्रह गरेका हुन ।
काँग्रेस र राप्रपाको गठबन्धनलाई पूर्व पञ्च र मण्डलेहरुको पञ्चायत भन्दै खतिवडाले यसबाट आशा राख्नु आकाशबाट तारा खसाँला भनेजस्तै रहेको बताए ।

सभामा बोल्दै मकवानपुर २(क) प्रदेश सभा उम्मेदवार कुमारी मोक्तानले आफु जनतालाई सिकाउने नभई सिक्न आएको बताईन् ।सभामा नेकपा एमालेका नेता तथा पूर्व सांसद सुभाषचन्द्र ठकुरी,नेकपा माओवादी मकवानपुरका नेता प्रकाश पाण्डे(प्रलोक),विष्णु विष्ट, थाहा नगरपालिकाका मयेर लवशेर विष्ट,एमाले नेता विष्णु ढकाल,महेश बर्तौला, माओवादी नेता अरुण रायमाझी,डिके पुडासैनी राजु नापित, ऋषि पुडासैनी,रामचन्द्र बल,पबिना लामा,बिनायक गोले लगायतको आतिथ्यता रहेको थियो । सभा एमाले नेता दामोदर सुवेदीको सभाध्यक्षतामा भएको हो । 
यसैबीच थाहा नगरपालिका ९ चित्लाङमा पनि कोणसभा भएको छ ।

नेकपा एमालेका लक्ष्मण रेग्मीको सभाध्यक्षतामा भएको कार्यक्रममा मकवानपुर २ प्रतिनिधिसभा उम्मेदवार बिरोध खतिवडाको प्रमु आतिथ्यता रहेको थियो । मकवानपुर २(क) प्रदेश सभा सदस्य उम्मेदवार कुमारी मोक्तानको विषेश आतिथ्यता रहेको कार्यक्रममा पूर्व सांसद सुभाषचन्द्र ठकुरी, नेकपा माओवादी मकवानपुरका नेता प्रकाश पाण्डे,एमाले नेता महेश बर्तौला लगायतले बोल्नुभएको थियो ।