चैनपुर जेसीजको क्यालेन्डर विमोचन 

२ बैशाख, हेटौंडा । चैनपुर जेसीज (प्रस्तावित) ले नयाँ बर्ष २०८० को क्यालेन्डर विमोचन गरेको छ । जेसीजले प्रकाशन गरेको क्यालेन्डर शुक्रबार शुभकामना आदानप्रदान कार्यक्रममा बीच विमोचन गरिएको हो । 
जेसीजको सम्पर्क सचिवालयमा भएको कार्यक्रमका बीच मकवानपुरमा रहेका ६ वटा जेसीज शाखा अध्यक्षहरुले संयुक्त रुपमा क्यालेन्डर विमोचन गरेका हुन् । 
चैनपुर जेसीज अध्यक्ष गणेशदर्पण अधिकारी, हेटौंडा जेसीज अध्यक्ष श्रवणकुमार बर्तौला, बसामाडी जेसीज अध्यक्ष जनक भण्डारी, पालुङ जेसीज अध्यक्ष संगम कार्की, बकैया जेसीज अध्यक्ष अमोद बस्नेत र मकवानपुरगढी जेसीज (प्रस्तावित) का अध्यक्ष पुष्पराज पुडासैनीले संयुक्त रुपमा क्यालेन्डर विमोचन गरेका हुन् । 
चैनपुर जेसीजका उपाध्यक्ष मनोज बिष्टको कार्यक्रम संयोजकत्वमा भएको कार्यक्रममा राष्ट्रिय स्वतन्त्र पार्टी मनहरी गाउँपालिका सभापति गोविन्द सापकोटा लगायतको आतिथ्यता थियो । चैनपुर जेसीज अध्यक्ष अधिकारीले क्यालेन्डर प्रकाशनमा सहयोग गर्नेहरुलाई धन्यवाद ज्ञापन गर्दै निर्माण गरिएको कार्ययोजना बमोजिम काम सहित नयाँ जेसीज स्थापनाको सार्थकता प्रमाणित गर्न लागिपरेको बताए ।
कार्यक्रममा हेटौंडा जेसीज अध्यक्ष बर्तौला, पालुङ अध्यक्ष कार्की लगायतले मन्तव्य व्यक्त गरेका थिए । क्यालेन्डर विमोचनसहित नयाँ बर्षको शुभकामना आदानप्रदान समेत गरिएको थियो ।