बैशाख १० गतेको त्रिवि स्नातक तह परीक्षा बैशाख १६ गते हुने

८ बैशाख, काठमाडौं । त्रिभुवन विश्वविद्यालय परीक्षा नियन्त्रण कार्यालयले वैशाख १० गते तोकेको परीक्षा बैशाख १६ गतेका लागि सारेको छ । स्नातक तह प्रथम वर्ष वार्षिक परीक्षा अन्तरगत बैशाख १० गते हुने भनिएको परीक्षा १६ गतेका लागि सारिएको त्रिविले जारी गरेको सूचनामा उल्लेख छ । 

यस्तो छ सूचना
त्रिभुवन विश्वविद्यालय, परीक्षा नियन्त्रण कार्यालय, बल्खुद्वारा २०८० वैशाख ४ गतेदेखि संचालित स्नातक तह प्रथम वर्षको वार्षिक परीक्षा निर्वाध रुपमा सम्पन्न भइरहेको र यही मिति २०८० वैशाख १० गतेका दिन तीन स्थानमा संघिय संसदको उपनिर्वाचन तोकिएकोले उक्त दिनको परीक्षा सानं श्री निर्वाचन आयोग, श्री गृह र शिक्षा मन्त्रालयबाट पनि अनुरोध भएकोले त्रि.वि.केन्द्रीय परीक्षा संचालक समितिको मिति २०८० वैशाख ७ गतेको निर्णय अनुसार उक्त दिनको सम्पूर्ण परीक्षा स्थगित गरी २०८० वैशाख १६ गतेका दिन सोही समय र स्थानमा संचालन गर्ने निर्णय भएकोले सम्बन्धित सबै केन्द्राध्यक्ष र परीक्षार्थीहरुलाई सूचित गरिन्छ ।
२०८० वैशाख १० गते संचालन हुने विषय र समय
प्रात: ७ बजेदेखि १० बजेसम्म व्यवस्थापन संकाय)
Financial Acc and Analysis/Accounting for Financial Analysis - MGT 211
दिउँसो १२ बजेदेखि ३ बजेसम्म (मानविकी संकाय ।
English/Neapli/Hindi/Nepal Bhasha/Maithili/Sanskrit - 421
उक्त दिनका सबै परीक्षा २०८० वैशाख १६ गतेका दिन संचालन गर्न गराउन सम्बद्ध सबैलाई जानकारी
गराइन्छ ।
परीक्षा नियन्त्रक