उपनिर्वाचन: उम्मेदवार जसले आफैंलाई भोट हाल्दैनन्

१० बैशाख, हेटौंडा । उपनिर्वाचन भईरहेका क्षेत्रका उम्मेदवारहरूले आफुलाई मत दिन मतदाताहरूसंग मत मागेका छन् । तर उपनिर्वाचनमा होमिएका कतिपय उम्मेदवारले आफैंलाई भोट हाल्दैनन् । किनकी उनिहरू आफू उठेको क्षेत्रको मतदाता छैनन् । प्रमुख प्रतिष्पर्धी देखिएका नेपाली कांग्रेस, नेकपा एमाले, रास्वपा र जसपाबाट उम्मेदवार बनेका कतिपय मतदानबाट बन्चित छन् ।
राष्ट्रिय स्वतन्त्र पार्टीका तीनै जना उम्मेदवारले मतदान गर्न पाउने छैनन् । एमालेका तीन र जसपाका एक उम्मेदवारले मतदान गर्न पाउने छैनन् ।
बारामा जनता समाजवादी पार्टी (जसपा) का उपेन्द्र यादव,  नेकपा  एमालेका पुरुषोत्तम पौडेल, राष्ट्रिय स्वतन्त्र पार्टीका रमेश खरेलले मतदान गर्न पाउँदैनन् ।  यादव सप्तरी-२, पौडेल बारा-३ र खरेल काठमाडौँ-१ का मतदाता हुन्  ।
चितवन क्षेत्र नम्बर २ का रास्वपाका उम्मेदवार रवि लामिछाने र एमालेका उम्मेदवार रामप्रसाद न्यौपानेको पनि अन्तै मतदाता नामावली भएकाले मताधिकार प्रयोग गर्न नपाउने भएका छन् । 
तनहुँमा रास्वपाका स्वर्णिम वाग्ले र एमालेका सर्वेन्द्र खनालको तनहुँ बाहिर मतदाता नामावली रहेकाले आफैलाई मतदान गर्न भने पाउने छैनन् ।