माओवादीका केसी सहित ९१ काँग्रेसमा प्रवेश

file photo

१८ मंसिर, हेटौंडा । नेकपा एमाले र नेकपा माओवादी केन्द्र पार्टी परित्याग गरी ९१ जना नेपाली काँग्रेसमा प्रवेश गरेका छन । सोमबार थाहानगरपालिका ४ स्थित लोकतान्त्रिक गठबन्धनको चुनावी सम्पर्क कार्यालयमा भएको प्रवेश कार्यक्रममा नेपाली काँग्रेसका महासमिति सदस्य जयराम लामिछाने, मकवापनुर प्रदेश सभा २ ‘क’का उम्मेदवार यतिराज सापकोटा, नेपाली काँग्रेस थाहानगरपालिका सभापति योगेन्द्रमान श्रेष्ठलगायतले काँग्रेसमा स्वागत गरेका ह्न ।

काँग्रेसमा प्रवेश गर्दै नेकपा माओवादी केन्द्र थाहानगरका सदस्य बिनोद केसीले झुटको खेती कति गर्नु भनेर अब यस  क्षेत्रको विकासका लागि काँग्रेसमा प्रवेश गरेको बताए । नेपाली काँग्रेस थाहानगरका सभापति योगेन्द्रमान श्रेष्ठको अध्यक्षताम भएको कार्यक्रममा नेपाली काँग्रेसका महासमिति सदस्य जयराम लामिछानेको प्रमुख आतिथ्यता रहेको थियो । कार्यक्रममा प्रदेश सभा २ का उम्मेदवार यतिराज सापकोटाले जनतालाई एमालेले आश देखाउने र माओवादीले त्रास देखाउने भएकोले एकपटक लोकतान्त्रिक गठबन्धनका उम्मेदवारलाई विश्वास गर्न आग्रह गरे । कार्यक्रममा थाहानगरका उपमेयर खड्ग गोपाली, नेपाली काँग्रेस महाधिवेशन प्रतिनिधी भरत लामा, मकवानपुरका २ नम्वर क्षेत्रीय सचिव ओम बस्नेतलगायतको आतिथ्यता रहेको थियो । यसैगरी चुनावी अभियान अन्तर्गत लोकतान्त्रिक गठबन्धनले थाहानगरपालिका ९ स्थित चित्लाङमा र थाहानगरपालिका १२ स्थित बज्रवाराहीमा कोणसभा कार्यक्रम  आयोजना गरेको थियो ।