मकवानपुरमा निर्वाचनको तयारी पुरा   

फाईल फोटो

सुनिल शिवाकोटी
 २० मंसिर, हेटौँडा । बिहीबार हुने दोस्रो चरणको  प्रतिनिधिसभा र  प्रदेशसभा निर्वाचनको तयारी मकवानपुरमा पुरा भएको छ ।

प्रतिनिधि सभा तर्फ २ र प्रदेशसभा तर्फ ४ क्षेत्र रहेको मकवानपुरमा चुनावको तयारी पुरा भएको जिल्ला निर्वाचन कार्यालय मकवानपुरका प्रमुख गोविन्द पौडेलले बताए ।  मतपत्र , मतपेटीका र अन्य आवश्यक सम्पूर्ण सामग्री  जिल्लाका  ३२४ वटै मतदान केन्द्रमा  पुगीसकेको पौडेलले बताए । प्रतिनिधिसभा र  प्रदेशसभाको निर्वाचनका लागी २ हजार ५ सय ९३ कर्माचारी खटाईएको पौडेलले जानकारी दिए । 

बिहिबार हुने निर्वाचनका लागी मकवानपुरको सुरक्षा व्यवस्था चुस्त परिएको मकवानपुरका प्रजिअ चक्र बहादुर बुढाले जानकारी दिए । प्रजिअ बुढाले ३२४  वटै मतदान  केन्द्रका लागी म्यादी प्रहरी सहित ४ वटै सुरक्षा अंगका करिब ३ हजार भन्दा बढी संख्या सुरक्षाकर्मी खटाईएको बताए । उनले संभावित घटना हन सक्ने स्थानको र उमेदवारको सुरक्षामा विषेश ध्यान दिईएको भन्दै अपराधिक श्रृखला हुने स्थानमा बाक्लो मात्रामा सुरक्षाकर्मी खटाईएको  र अपराधिक गतिविधी र पास विनाको सवारी साधनलाई कडाई गरीने , हवाई र स्थल गस्तिी समेत गरिने बताए ।

मकवानपुरका प्रहरी प्रमुख विकासराज खनालले कुनै घटना हुन नदिन नेपाल प्रहरी तैनाथ भएको भन्दै सम्भावित घटना भएको र आवश्यक परेको स्थानमा १० मिनेट भित्र सुरक्षा निकाय पुग्ने व्यवस्था मिलाईएको बताए ।

३२४ मतदान केन्द्र रहेको जिल्लामा क्षेत्र नम्बर १ मा १ लाख २४ हजार ७ सय ९९ र क्षेत्र नम्बर २ मा  १ लाख ३० हजार ८ सय ५ गरी कुल २ लाख ५५ हजार ६ सय चार मतदात संख्या रहेको  छ  । क्षेत्र नम्बर १को प्रदेशसभा क मा ६२ हजार ८ सय ४३ र ख मा ६१ हजार ९ सय ५६ मतदाता रहेको र क्षेत्र नम्बर २ को प्रदेशसभा क मा ७४ हजार १ सय ५२  र ख मा ५६ हजार ६ सय ५३ मतदाता रहेको जिल्ला निर्वाचन अधिकारी पौडेलले बताए ।