प्रदेश खेलकुदः महिला फुटबलको उपाधि काठमाडौंलाई 

१२ जेठ , हेटौंडा । बागमती प्रदेशको हेटौंडामा जारी दोस्रो बागमती प्रदेश खेलकुद प्रतियोगिता अन्तर्गत महिला तर्फको फुटबल खेलको उपाधि काठमाठौंले जितेको छ । हेटौंडा ६ मा रहेको गौरीटार रंगशालामा भएको फाइनल खेलमा सिन्धुलाई हराउँदै काठमाडौंले जितेको हो । 
काठमाडौंले सिन्धुलीलाई २–० गोलले पराजित ग¥यो । उसको जितका लागी सुजिता घलान र मनीषा थापाले एक एक गोल गरे । काठमाडौंका तर्फबाट सुजिता घलानले खेलको १० औं मिनेटमा गोल गर्दै टिमलाई अग्रता दिलाएकी थिइन् । यस्तै खेलको ५८ औं मिनेटमा मनिषा थापाले काठमाडौंका लागी दोस्रो गोल गरेपछि जित सुनिश्चित भयो । 
काठमाडौंकी सरिता ऐर दुई व्यक्तिगत विधामा पुरस्कृत भइन् । उनले प्रतियोगिताको उत्कृष्ट खेलाडी र उत्कृष्ट फर्वाडको पुरस्कार पाइने भने अन्य व्यक्तिगततर्फ गोलरक्षकमा काठमाडौंकी झरना नगरकोटी, डिफेन्समा सिन्धुलीकी सन्जिता मगर तथा प्रशिक्षकमा काठमाडौंका देवेन्द्रजंग शाही उत्कृष्ट चुनिए । 
प्रतियोगिता अवधिभर ४ गोल गरेकी काठमाडौंकी मनीषा थापा मगर सर्वाधिक गोलकर्ताको सूचीमा शीर्ष स्थानमा रहन् ि। विजेता टोलीलाई बागमती प्रदेशकी सामाजिक विकास मन्त्री कुमारी मोक्तान, प्रदेश खेलकुद विकास परिषद्, बागमती प्रदेशका सदस्य–सचिव सूर्यलाल भण्डारी, लगायतले मेडल तथा पुरस्कार प्रदान गरेका थिए ।