प्रदेश खेलकुदः जुडोमा ललितपुर टिम च्याम्पियन 

१२ जेठ , हेटौंडा । दोश्रो बागमती प्रदेश खेलकुदको जुडोमा ललितपुर टिम च्याम्पियन बनेको छ । यस्तै प्रतियोगिताको पुरुषतर्फ काभ्रेका प्रवीणकुमार दियाली र महिला तर्फ नुवाकोटकी अन्जु पाण्डे उत्कृष्ट खेलाडी घोषित भएका छन् । 
काठमाडौंको खुशीबुँस्थित बहुद्देश्यीय मार्सल आर्ट केन्द्रमा भएको प्रतियोगितामा ललितपुर ४ स्वर्ण, ३ रजत र २ कांस्यसाथ समग्रमा टिम च्याम्पियन बनेको हो यस्तै काभ्रे ३ स्वर्ण, १ रजत र १ कांस्य सहित दोस्रो भएको छ भने २ स्वर्ण, १ रजत र १ कांस्यसहित नुवाकोट तेश्रो भएको छ । 
पुरुष र महिलामा समान ७–७ गरी १४ स्वर्णका लागि प्रतिस्पर्धा भएकोमा मकवानपुरले २ तथा रामेछाप, सिन्धुपाल्चोक र काठमाडौंले १–१ स्वर्ण जितेका छन् । प्रतियोगिताको अन्तिम दिन महिला ७० केजीमा रामेछापकी रन्जना खड्का, ७८ केजीमुनि मकवानपुरकी एलिसा गोले र ७८ केजीमाथि मकवानपुरकी अस्मिता गोले स्वर्ण जितिन् । प
ुरुषको ८१ केजीमुनि काभ्रेका मनोज आचार्य, ९० केजीमुनि नुवाकोटका रामभक्त तामाङ, १०० केजीमुनि काभ्रेका आकाश आले मगर र १०० केजीमाथि काठमाडौंका वसिस्ट महर्जन शीर्ष स्थानमा रहे । दुईदिने प्रतियोगितामा ९ जिल्लाका ५७ खेलाडीले प्रतिस्पर्धा गरेका थिए ।