चुच्चेखोलामा रहेको प्रगतिशिलमहिला आपसी विकासको वार्षिक साधारणसभा

१३ जेठ, हेटौंडा । हेटौडा–६, चुच्चेखोलामा रहेको प्रगतिशिलमहिला आपसी विकास संस्थाको १९ औं वार्षिक साधारणसभा शनिवार सम्पन्न भएको छ । संस्थाकी अध्यक्ष बनारसी उप्रेतीको सभाध्यक्षतामा सम्पन्न साधारणसभाको प्रमुख अतिथि बागमती प्रदेशकी सामाजिक विकास मन्त्री कुमारी मोक्तान रहेकी थिइन । 
प्रमुख अतिथि मोक्तानले सम्बोधनका क्रममा सबै संस्थाहरुले उत्पादनमा  जोड दिनु पर्ने बताएकी छिन।मन्त्री मुक्तानले उत्पादनको माध्यमबाट देशलाई समृद्धि बनाउन सकिने र महिलाहरुले उधमशिलतामा समेत काम गर्नु पर्ने बताइन । साधारणसभामा ज्येष्ठ सदस्य हिरादेवी दहाल, नियमति बचतकर्ता ठूलीमाया दमाई, सुनमाया भोमजन,असली कारोवारी सुधा दंगाललाई पुरस्कृत गरिएको थियो । यसैगरि संस्थालाई भौतिक सामाग्री सहयोग गर्ने प्रमेश कुमार पराजुली, भीमसेन पौडेल, गौरब कुमार पारजुली,मधु कुमार दंगाल र बलराम दाहाललाई सम्मान गरिएको थियो ।
साधारणसभामा संस्थाकी अध्यक्ष बनारसी उप्रेतीले संस्थागत प्रतिवेदन, सचिव सावित्री तिमल्सिनाले प्रगति प्रतिवेदन र कोषाध्यक्ष रोजिना तिमल्सिनाले आर्थिक प्रतिवेदन पेश गरेका थिए ।
साधारणसभामा नारी चेतना सहकारीकी अध्यक्ष राधिका गौतम, कामधेनु बहुउद्धेश्यीय सहकारीका सञ्चालक सदस्य केशव धिताल, चुच्चेखोला सामुदायिक वन उपभोक्ता बचत तथा ऋण सहकारी ब्यवस्थापक रिता फुयाल, संस्थाका सञ्चारकर्मी भीमसेन पौडेल, सल्लाहकार प्रमेश कुमार पराजुली, उपाध्यक्ष गायत्री घिमिरे,ब्यवस्थापक कल्पना पराजुली लगायतकाले शुभकामना मन्तब्य ब्यक्त गरेका थिए ।