विभागीय टिम एपीएफले जित्यो राष्ट्रिय भलिबलको उपाधि

२० जेठ, हेटौंडा । केशवलाल श्रेष्ठ स्मृति केन्द्रिय प्रतिष्ठान हेटौडा र मकवानपुर जिल्ला भलिवल सघंको आयोजनामा हेटौंडामा सम्पन्न दोस्रो राष्ट्रिय खुल्ला पुरुष भलिबल प्रतियोगिताको उपाधि विभागीय टिम सशस्त्र प्रहरीको एपीएफले जितेको छ ।  
हेटौंडा उपमहानगरपालिका वडा नम्बर ४, हुप्रचौरस्थित भलिबल कोर्टमा शनिवार सम्पन्न फाइनल खेलमा अर्को विभागीय टोली नेपाल आर्मी क्लबलाई हराउँदै एपीएफले उपाधि जितेको हो । एपीएफले आर्मीलाई ३–१ को सेटमा पराजित गरेको हो । 
पहिलो सेट २५–२० ले जितेको एपीएफले दास्रो सेट भने १७–२५ मा गुमएको थियो । त्यसपछिका दुबै सेट लगातार २५–१७ र २९–२७ ले आफ्नो पक्षमा पार्दै एपीएफले उपाधि उचालेको हो । उपाधि विजेता एपीएफले नगद २ लाख रुपैयाँसहित सिल्ड, मेडल र प्रमाणपत्र प्राप्त गर्दा उपविजेतामा सिमिति भएको आर्मीले नगद १ लाख रुपैयाँसहित सिल्ड, मेडल र प्रमाणपत्र प्राप्त गरेको छ । 
यस्तै सेमीफाईनलमा पुग्न सफल भएका नेपाल प्रहरी र गण्डकी भलिबल टिमले जनही ५०÷५० हजार नगद प्राप्त गरेका छन् । विद्यागत उत्कृष्ट हुन सफल खेलाडी तथा कोचलाई समेत नगद सहितपुरस्कार प्रदान गरिएको छ । प्रतियोगिताका सर्वोत्कृष्ट खेलाडी बन्न सफल एपीएफका विजय थापाले नगद १५ हजार सहित शिल्ड प्राप्त गरे । 
यसैगरी वेष्ट स्पाइकर आर्मी क्लबका शरण सामरी, वेष्ट ब्लकर आर्मी कै सनोज चौधरी, वेष्ट डिफेन्डर आर्मी कै इश्वर थापा, वेष्ट सेटर एपीएफका सुवास कुँवर र वेष्ट कोच एपीएफका पुष्पजंग मल्ल घोषित भए उनीहरुले जनहरु नगद ५÷५ हजार रुपैयाँसहित ट्रफी प्राप्त गरेका छन् ।
प्रतियोगिताको विजेत, उपविजेता र विद्यागत उत्कृष्टहरुलाई कार्यक्रमका प्रमुख अतिथि हेटौंडा उपमहानगरपालिकाकी मेयर मिना कुमारी लामा, प्रतिष्ठानका अध्यक्ष प्रताप  विष्ट लगाएताले पुरस्कार प्रदान गरेका थिए ।