बालबिकास केन्द्रका शिक्षकको थाहा नगरलाई ध्यानाकर्षणपत्र

२७ जेठ ,हेटौंडा । नेपाल बाल विकास शिक्षक समिति थाहा नगर समितिले थाहा नगरपालिकालाई ध्यानाकर्षणपत्र बुझाएको छ । 
नगरपालिकाको आगामी आर्थिक बर्षको नीति तथा कार्यक्रम र बजेटमा बाल बिकास केन्द्रका शिक्षकहरुले उठाउँदै आएका मागहरुको सम्बोधन गर्न थाहा नगरपालिकाकालाई ध्यानाकर्षण गराएका हुन । 
 नगरप्रमुख बिष्णु बहादुर बिष्ट र उपप्रमुख भरत गोपालीलाई ध्यानाकर्षण पत्र बुझाउँदै पालिकाको आगामी बजेटमा आफुहरुले उठाएका मागको सम्बोधन गर्न अनुरोध गरिएको छ ।
सामुदायिक बिद्यालयको पूर्व प्राथमिक तहमा अध्यापन गराउँदै आएका शिक्षकहरुको सेवा सुबिधामा बिभेद भएको उल्लेख गर्दै १० बुँदे माग सहितको ध्यानाकर्षण पत्र दिईएको नेपाल बाल विकास शिक्षक थाहा नगर समितिकी अध्यक्ष दिपा बलले जानकारी दिइन । 
ध्यानाकर्षणपत्रमा बालबिकास केन्द्रका शिक्षकको तोकिएको तलब भत्ता केन्द्र सरकारबाट नै उपलब्ध गराउनपर्ने, दरवन्दी कायम गरी आधारभूत तह सरह सेवा सुबिधा उपलब्ध गराउनपर्ने, प्रक्रिया पु¥याई बाल बिकास केन्द्रका शिक्षाकलाई स्थायी गराउनपर्ने, बाल बिकास केन्द्रमा कार्यरत शिक्षकहरुको क्षमता बिकासका लागि तालिमको ब्यवस्थापन गर्नुपर्ने लगायतका मागहरु रहेका छन् ।