बागमती प्रदेशको बजेट ६२ अर्ब ७० करोड

१ असार, हेटौंडा । बागमती प्रदेश सरकारले आगामी आर्थिक बर्ष आव ०८०/०८१ का लागि ६२ अर्ब ७०  करोड रुपैंयाको बजेट ल्याएको छ । शुक्रबार बसेको प्रदेशसभा बैठकमा आर्थिक मामिला तथा योजना मन्त्री बहादुरसिं लामाले कुल ६२ अर्ब ७० करोड ९० लाख ७८ हजार रुपैंयाको बजेट प्रस्तुत गरेका हुन् ।
उनले प्रस्तुत गरेको बजेटमा  कूल विनियोजित बजेटमध्ये चालू खर्चतर्फ २६ अर्ब ७० करोड २७ लाख ९६ हजार बजेट छुट्याइएको छ । यस्तै, पूँजीगततर्फ ३५ अर्ब ५० करोड ६३ लाख ९ हजार रुपैंया बजेट विनियोजन गरिएको छ भने वित्तीय व्यवस्थातर्फ ५० करोड रुपैयाँ बजेट छुट्याइएको छ । बजेटमध्ये चालूतर्फ ४२.५८ प्रतिशत र पूँजीगततर्फ ५६.६२ प्रतिशत र वित्तीय व्यवस्थातर्फ ०.८ प्रतिशत बजेट विनियोजन भएको छ ।
अनुमान गरिएका खर्च व्यहोर्ने स्रोतमध्ये कर राजस्वबाट २५ अर्ब १७ करोड २६ लाख, अन्य राजस्वबाट ५ अर्ब २६  करोड ९४ लाख, संघीय सरकारबाट वित्तीय हस्तान्तरणबाट प्राप्त हुने १७ अर्ब ८१ करोड २३ लाख र चालु आवको अनुमानित सञ्चित कोषको बचत र अन्य प्राप्तीबाट १४ अर्ब ४५ करोड ४७ लाख रुपैंया अनुमान सरकारले गरेको छ।बागमती प्रदेश सरकारले आव ०७९/०८० मा ७० अर्ब ९३ करोड ९३ लाख  रुपैंयाको बजेट ल्याएको थियो ।

बजेटको पूर्ण पाठ