हेटौंडामा खुल्यो एक्सपर्टको शाखा 

 २४ मंसिर, हेटौंडा । अष्ट्रेलिया अध्ययन कसरी गर्ने  भनेर अन्यौलमा रहेका पिद्यर्थीहरुको लागि मकवानपुरमा  परामर्श केन्द्र एक्सपर्ट एजुकेशन एण्ड भिसा सर्भिसेसको नयाँ शाखा मकवानपुरको हेटौंडाको पारिजात पथमा संचालनमा आएको छ । 

आज  एक कार्यक्रमकाबीच हेटौंडा उपमहानगरपालिकाका मेयर हरिबहादुर महतले २५ औं शाखा कार्यालयको शुभारम्भ गरेका हुन । शाखा शुभारम्भ कार्यक्रमलाई सम्बोधन गर्दै मेयर महतले मकवानपुरबाट उच्च शिक्षा हासिलका लागि अष्ट्रेलिया जान चाहने विद्यार्थीहरुलाई एक्सपर्ट भरपर्दो माध्यम बनोस् भन्दै शुभकामना व्यक्त गर्दै , हेटौंडा पनि शैक्षिक हब बन्दै गईरहेको भन्दै एक्सपर्टको उपस्थितिले थप सहयोग पुगेको बताए  ।
त्यसैगरी कार्यक्रममा बोल्दै मकवानपुरका जिल्ला शिक्षा अधिकारी बद्री भट्टराईले हेटौंडामा शुभारम्भ गरेको संस्थाले जिल्लाको शिक्षा क्षेत्रमा सकरात्मक प्रभाव पार्नेमा विश्वास व्यक्त गरे  । कार्यक्रममा बोल्दै एक्सपर्टका नेपाल निर्देशक खगराज संग्रौलाले २५ हजार भन्दा बढि विद्यार्थीहरुलाई अष्ट्रेलिया पठाउन सफल कन्सलटेन्सी हेटौंडामा खुल्नु मकवानपुरे विद्यार्थीहरुका लागि अवसर भएको  बताए । कार्यक्रममा प्याब्सन मकवानपुरका अध्यक्ष मदन दाहाल, ४ नम्बर वडाध्यक्ष नविन सिग्देललगायतले मन्तव्य व्यक्त गरेका थिए ।   कार्यक्रम एक्सपर्ट हेटौंडाका निर्देशक घननाथ अर्यालको अध्यक्षतामा सम्पन्न भएको थियो ।
यसैबीच शाखा कार्यालय समुद्घाटन समारोहको अवसरमै आज सेमीनार समेत आयोजना गरिएको छ । सेमीनारमा एक्सपर्ट अष्ट्रेलियाका सिईओ सन्जिव शर्माले अष्ट्रेलियाको शिक्षा र एक्सपर्टको विषयमा विद्यार्थीहरुलाई जानकारी गराएका थिए  भने २०१० की मिस नेपाल सदिक्षा श्रेष्ठ र संचारकर्मी राधाकृष्ण धितालले व्यक्तित्व विकास र बोल्ने कला बारे प्रशिक्षण दिएका थिए  ।