शान्ति सुरक्षा कायम गर्न करकाप र दबावमा पर्दिनः प्रजिअ सेढाई 

मकवानपुरका प्रमुख जिल्ला अधिकारी सुर्य प्रसाद सेढाई

१७ असार,हेटौँडा । मकवानपुरका प्रमुख जिल्ला अधिकारी सुर्य प्रसाद सेढाईले कसैको करकाप र दबावमा नपरि जिल्लाको शान्ति सुरक्षा कायम गर्न र जनतालाई प्रदान गर्ने सेवा चुस्त दुरुस्त बनाउन कुनै कमि हुन नदिने बताएका छन् । 
शुक्रबार मात्रै सरुवा भएर मकवानपुर आएका प्रजिअ सेढाईले आइतबार कार्यालयमा पत्रकारसँगको भेटघाटमा आफु प्रशासक जस्तो भएर नै काम गर्न आएको र आफ्नो कार्यकालमा जिल्लाको शान्ति सुरक्षा कायम गर्न कसैको करकाप र दबावमा नपर्ने बताएका हुन् । प्रजिअ सेढाईले भने–मेरो कार्यकालमा जिल्लाको शान्ति सुरक्षा कायम गर्न संचारमाध्यम,पत्रकार ,स्थानीय जिल्ला बासिको सहयोगको चाहिने भन्दै जिल्लामा मौलाएको लागूऔषध र त्यसको नियन्त्रण ,सडकमा गुड्ने गाडिमा तोकिएको मापदण्ड भन्दामाथि गएर ओभरलोड बोक्नेलाई आवश्यक कारबाही गरिने बताएका छन्  । 
 भेटघाटमा मकवानपुरे पत्रकारले जिल्लामा हुने लागूऔषध कारोबार र दुव्र्यसनी,बढ्दो सवारी चाप,सार्वजनिक बिदाको दिन सरकारी सवारीको दुरुपयोग, सरकारी कार्यालयमा हुने ढिला सुस्ती र नदिजन्य पदार्थको अबैध चोरी निकासी र त्यस्ता कार्यको नियन्त्रणमा आवश्क कदम चाल्न प्रजिअ सेढाईले जानकारी गराएका थिए । प्रजिअ सेढाईले पत्रकार भेटघाटमा आफ्नो कार्यकालमा त्यस्ता समस्यालाई नियन्त्रण गरिने प्रतिबद्धता व्यक्त गरेका थिए ।  सेढांई खोटाङ्बाट मकवानपुर आएका हुन् ।
कार्यक्रममा सहायक प्रमुख जिल्ला अधिकारी नेत्र प्रसाद शर्मा, पत्रकार महासंघ मकवानपुरका अध्यक्ष मणीराज गौतम, जिल्ला प्रशासनका अधिकृत गुणराज न्यौपाने र विभिन्न संचारगृहमा आवद्ध पत्रकारहरुको उपस्थिती रहेको थियो ।