मकवानपुरको थाहा–१२ का वडाध्यक्ष सहित १० जनालाई पक्राउ पुर्जी, वडाध्यक्ष फरार 

google photo

२५ असार,हेटौँडा । मकवानपुरको थाहानगरका एक जना वडाध्यक्ष पक्राउ पुर्जी जारी भएपछि फरार भएका छन् । एक व्यक्तिको जग्गालाई नक्कली कागजपत्र खडागरी आफु छोरा बनेर अर्काको नामको जग्गा नामसारी गरी ठगी गरेको आरोप लागेका मकवानपुरको थाहानगर वडा नम्बर १२ का  वडाध्यक्ष टिकाराम स्याङ्तान फरार भएका छन् । किर्तेगरी अर्काको नाममा जग्गालाई नामसारी गरी बेचेको घटनामा संलग्न भएको आरोपमा जिल्ला अदालतबाट पक्राउ पुर्जी जारी भएपछि स्याङ्तान यति बेला फरार भएका हुन् । यति बेला थाहानगर एक वडाध्यक्ष सहित १० जना फरार रहेको बुझिएको छ । 
अर्काको नाममा जग्गालाई नामसारी गरी बेचेको घटनामा संलग्न थाहा नगरपालिका १२ का वडाध्यक्ष टिकाराम स्याङ्तान, वडा सचिव ओब्जङ बहादुर रोकाया, कार्यालय सहयोगी चन्द्रकुमार मोक्तान, किर्तेका योजनाकार बमबहादुर गुरुङ, उनका छोरा राजु गुरुङ, १२ नम्बर वडा कै रामशरण गुरुङ, कृष्ण बहादुर गुरुङ, सुकुमान स्याङ्तान, राम बहादुर स्याङ्तान र नरेश घलान रहेको र पक्राउ पुर्जी जारी भएकपछि फरार रहेको मकवानपुर प्रहरी श्रोतले जनाएको छ । फरार खोजी भइरहेको प्रहरीले जनाएको छ । जग्गा बिकीका लागि बैना गर्न लाग्दा प्रहरीले घटना बाहिर ल्याएको हो ।  स्याङ्जामाकी उमादेवी गुरुङलाई आमा बनाएर सतराज गुरुङले जग्गा हडपेको पाइएको काठमाडौं उपत्यका अपराध अनुसन्धान कार्यालयले जनाएको छ । सतराज गुरुङ पक्राउ परेपछि घटनाको जानकारी बाहिर आएको हो । गुरुङलाई आफ्नी आमा रहेको भनी नक्कली मुत्यु दर्ता, नाता प्रमाणित प्रमाणपत्र लगायतका झुट्टा कागजहरू तयार गरी विभिन्न व्यक्ति तथा निकायको मिलेमतोमा उमादेवी गुरुङका नाममा रहेको काठमाडौंको कीर्तिपुर नगरपालिका ३ मा रहेको जग्गा नामसारी गरेको फेला परेका काठमाडौं उपत्यका अपराध अनुसन्धान कार्यालयका प्रमुख प्रहरी वरिष्ठ उपरीक्षक मनोज केसीले बताएका छन् । पक्राउ परको माथि आवश्यक अनुसन्धान भइरहेको र फरार १० जनाको मकवानपुर प्रहरीको सहयोग खोजि कार्य भइरहेको प्रहरी वरिष्ठ उपरीक्षक केसीले बताएका छन् ।