हेटौँडामा मुअब्जा बिना घर भत्काउन नदिन प्रदर्शन 

 १३ साउन,हेटौँडा । हेटौंडाको मुख्य बजार क्षेत्रका २५ गज भित्र पर्ने घर टहर बिना मुआब्जा भत्काउन नहुने र नदिने भन्दै व्यावसायी र घरधनिहरुले शनिबार हेटौँडाको मुख्यचोकमा बिरोध प्रदर्शन गरेका छन् । 
शनिबार दिउँसो हेटौँडाको मुख्यचोकमा भेला भएर हेटौंडाको मुख्य बजार क्षेत्रका २५ गज भित्र पर्ने घर टहर बिना मुआब्जा भत्काउन नहुने भन्दै व्यावसायी र घरधनिहरुले विरोध प्रदर्शन गरेका हुन्।मकवानपुर उद्योग बाणिज्यसंघ र हेटौंडा बसोबास संरक्षण समितिको आयोजनामा उक्त विरोध प्रदर्शन भएको हो । विरोध प्रर्दशनमा बोल्दै मकवानपुर उद्योग बाणिज्यसंघ पुर्व अध्यक्ष,घर धनि र  हेटौंडा बसोबास संरक्षण समितिका पदाधिकारीले विरोधसभामा लालपूर्जा भएका घर, जग्गाहरुको क्षेतिपूर्ति दिएर मात्र सडक विस्तार गर्न चेतावनी दिएका थिए । विरोध सभालाई सम्बोधनमा क्रममा  सहभागिले बिना मुआब्जा घर भत्काए त्यसको प्रतिकारमा उत्रने चेतावनी पनि दिएका छन् । 
यता डिभिजन सडक कार्यालयले यही साउन १६ गतेबाट हेटौंडा–१५ रातोमाटेदेखि हेटौंडाको राप्ती पुलसम्म एकैसाथ जुनसुकै स्थानबाट सडक विस्तार सुरु गर्ने बताएको छ। यसकालागि जेसिबि,डोजर र अन्य ह्रयाबी उपकरण तयारी अवस्थामा रहेको समेत बताइसकेको छ  । सडक कार्यालयले केही दिन अघि क्षेत्राधिकार भित्र पर्ने हेटौँडा–१५ को वडा कार्यालय र जनजागृती मा विको पर्खाल र त्यहाँ बनेको संरचना भत्काइसकेको छ।सडक कार्यालयको ३५ दिने सुचनामा यहि साउन १५ गते सकिदैछ  ।