बानियाँद्वारा एम्बुलेन्स हस्तान्तरण

१ पुस, हेटौंडा । मकवानपुर प्रतिनिधि सभा क्षेत्र नम्बर २ अन्तरगत प्रदेश २ का नवनिर्वाचित सांसद ईन्द्रबहादुर बानियाँले स्वास्थ्य चौकीलाई एम्बुलेन्स हस्तान्तरण गरेका छन् । 
बानियाँले शनिवार हेटौंडा-१८ स्थित हर्नामाडि स्वास्थ्य चौकीलाई एम्बुलेन्स हस्तान्तरण गरेका हुन् । हेटौंडा-१८ नम्बर वडाका अध्यक्ष अनिल बानियाँ र स्वास्थ्य चौकीका प्रमुख टिएन ढुंगेललाई एम्बुलेन्सको साँचोसंगै संचालनका लागि ५० हजार रूपैयाँ हस्तान्तरण गरेका थिए । 
बानियाँले अाफ्ना दाजु स्वर्गीय राजकुमार बानियाँको स्मृतिमा एम्बुलेन्स हस्तान्तरण गरेको बताए । उनले अाफ्ना दाजुको दुर्घटनामा परि मृत्यु भएको जनाउँदै स्वास्थ्य समस्या हुँदा उपचारका लागि स्वास्थ्य संस्था पुर्याउन सहज होस् भन्ने उद्धेश्य एम्बुलेन्स उपलव्ध गराएको बताए । अाफुले मानवीय भावनाले एम्बुलेन्स हस्तान्तरण गरेको बताउँदै अन्य क्षेत्रमा पनि एम्बुलेन्स सहयोग गर्ने बताए । 
कार्यक्रममा बोल्दै स्थानीय शम्भु भण्डारीले एम्बुलेन्स उपलब्ध भएपछि त्यस क्षेत्रमा स्वास्थ्य सेवामा स्थानीय पहुँच अभिबृद्धी हुने बताए । हस्तान्तरण गरिएको एम्बुलेन्स भन्सार छुटका साथ ९ लाख ५० हजार रूपैयाँको रहेको कार्यक्रममा जानकारी दिईएको थियो ।