फेकोफन बामगतीको विरोधका कार्यक्रम स्थगित

२३ साउन, हेटौडा । सामुदायिक वन उपभोक्ता महासंघ(फेकोफन),बागमती प्रदेशले साउन १४ गतेदेखि शुरु गरेको मुख्यमन्त्री कार्यालय घेराउ कार्यक्रम हाललाई स्थगित गरेको छ । 

आइतबार मुख्यमन्त्री शालिकराम जमरकट्टेललाई ज्ञापनपत्र बुझाएको फेकोफनले बागमती प्रदेश वन तथा वातावरण मन्त्रालयका सचिव यज्ञराज दाहालले वार्ताको वातावरण तयार गर्न भदौ १० गते सम्म आन्दोलनका कार्यक्रम स्थगित गर्न लिखित पत्र पठाएसँगै हाललाई आन्दोलनका सम्पूर्ण कार्य स्थगित गरिएको फेकोफन बागमती प्रदेश अध्यक्ष विनोद सापकोटाले बताएका छन् ।

फेकोफन बागमती प्रदेशले बागमती प्रदेशको वन ऐन २०७६ को दफा ३८ ( ३ ) मा सामुदायिक वनको वन पैदावार विक्रीबाट प्राप्त रकमको १० प्रतिशत रकम प्रदेश कोषमा जम्मा गर्नु पर्ने ब्यवस्था गरिएकोमा बागमती प्रदेशको आर्थिक ऐन २०८० मा दफा २० थप गरि उक्त कर रकम बढाई २० प्रतिशत रकम प्रदेश कोषमा जम्मा गर्नु पर्ने व्यवस्था गरेकोमा महासंघले उक्त प्रावधान सामुदायिक वन विरोधी रहेकोले हटाउन मुख्यमन्त्री शालिकराम जमकट्टेललाई श्रावण १४ गते ज्ञापन पत्र बुझाएको थियो ।यदि माग पूरा नभए भर्दौ ११ गतेदेखि शसक्त आन्दोलन गर्ने फेकोफनले बागमती प्रदेशले जनाएको छ ।